Qədəmlərin mübarək, Novruz

Qara qışın ömru artıq sona çatib. Ulu babalarımızdan irs qalan novruz bayramı və yeni ilimiz artıq qapılarımızı döyməkdədir.

Məhz yeni ilin ilk fəsli baharda Ana təbiət dərin yuxudan oyanır, öz ilıq nəfəsilə yer üzünü qızdırır, hər yer yaşıl dona bürünür, təravətli yaz günəşi bir dirçəliş simvolu kimi gözəl baharın füsünkarlıqlarını nümayiş etdirir. Bir sözlə Novruz günəşi öz ilıq şüası ilə insanların qəlbinə nur saçır, yer üzünə sevinc, bərəkət gətirir.

Qoy bu yeni ilimiz bütün ellərimizə, obalarımıza şənlik və firavanlıq gətirsin!

Milli bayramımız novruzun gəlişi münasibətilə azərbaycanlı soydaşlarımızı və bütün türk xalqlarını ürəkdən təbrik edirik!

Qoy el və obalarımızdan şənlik səsləri heç bir zaman əskik olmasın!

 

Varlığin səsi dərgisinin əməkdaşları

  

  

 يعقوب شامخی جنابلاری 50  ياشيندا

 

عزيز قارداشيم يعقوب بيگ شامخی و حورمتلی عايله سی!

حورمتلی خانيملار، بيگ لر و عزيز قوناقلار!

سالاملار. آخشامينيز خير!

يئر اؤزونده بوتون مخلوقات دان اوستون ساييلان اينسانلارين حاققيندا دانيشماق و يازماق چوخ دا آسان دئييل. انسانليغا صاديق ياناشانلاربوحقيقتی دريندن بيلير. بوناگؤره ده قضاوت لرده صادق اولماق و بو مسئوليتی تام معنادا درک ائتمک هرکسين وجدان بورجودور. شخصيت لری اولدوغو کيمی تانييب و تانيتديريلماسی اينسانلارين شخصی، ايجتماعی ، فرهنگی و سياسی حياتيندا، خصوصيله توپلومون ساغليم و گوجلو اولماسيندا اساسی رولو  دانيلمازبير فاکت دير.

بيلديگينيزکيمی، دونيادا هرشئی بالاجا عنصرلردن يارانير. نئجه کی، کيچيک- کيچيک سولارين آخماسی، بؤيوک چايلاری و نهنگ دريالاری وجوده گتيريب.  نئجه، تک – تک اينسانلار بؤيوک توپلوملار ياراديب و نهايت ميللت و دؤؤلتلرين يارانماسی نين سبب کاری اولموشلار. ائله بونا گؤره ده، منه بئله گلير کی، اينسانلارحاققيندا اولدوغو کيمی قضاوت اولورسا، توپلومون ساغليم اولوب و قورونماسی تضمين ائديلر. جمعيت ده يالانچيليقا- يالتاقليقا، ظولمه، جنايته ... ميدان وئريلمز. و بوتون اينسانلار اؤز حياتلاريندا، ايستديکلری کيمی آزاد و خوشبخت ياشاماغی باجارا بيلرلر.

 مقدمه دن مقصديم بوندان عبارتدير: بوآخشام، بو حساس آنلاردا عزيز قارداشيم،  ديرلی مسلک داشيم، يعقوب ييگ شامخی نين 50 ايلليک آد گونو قيد اولونور. ايسترديم بوگؤزل مراسيمده گئری يه باخييب و خاطره لر يارپاغيندان  بيرنئچه سؤزو، ديرلی يوبيلئی ايشتراکچيلاری ايله پايلاشميش اولام.

1990- جی ايللرين اووللرينده ايلک دفعه يعقوب بيگ ايله آذربايجان توپلوملاريندا تانيش اولدوم. بو توپلوملاردا باشقا سويداشلارلا بيرليکده، اؤزميللی وارليغيميزی قورويوب و انکشاف ائتمکده صميميتله چاليشديق. زمان اؤتدوکجه بو اينسانين نه قدرصميمی، تواضعکار و چاليشقان اولدوغونو دريندن دويدوم. آز مدت ده يعقوب بيگ چوخلو امکداشلاری نين حسن و رغبتين قازاندی. داها دوغروسو، من بئله بيرگؤزل اخلاق و خصوصيت لره مالک اولان اينسانلاری اؤرکدن سئويب و سونسوز حؤرمت بسله يه رم.

  بئله دئييم کی، من بو نجيب اينسانين داورانيشين گؤره رکن، مشروطيت قارتاللاريندان ساييلان رحمتليک« حسين باغبان» (ائل اوغلو) نو خاطيرلارديم. و اؤز- اؤزومه دئييرديم: «دوغوردان کی تبريز ايگيدلر يئتيرير. بئله ايگيدلری اولان آذربايجان اؤلمز»

بيرمدت چاليشاندان سونرا، يعقوب بيگ ايله، منيم آراميزدا يارانان درين دوستلوق مناسبتلری و معنوی اينام، فعاليتيميزين داها انکشافينا يول آچدی. آذربايجان ديلينده بير درگی نين مالمو شهرينده گون اؤزو گؤرمه سی هر ايکيميزی ده هوسلنديريردی. آمما بو مدنی ايشی لايقجه سينه يئرينه يئتيرمک، چوخ دا آسان دئييلدی. نه ايسه، بو کيچيک و لاکين اهميتلی آدديمی ايکيميز ده آتديق. «وارليغين سسی» درگی سی نين بيرينجی سايی 16 صحيفه ده، کولتورل، ايجتماعی و سياسی مضمونو ايله 1999- جی ايلين مارت آيی آنا ديليميزده گون اؤزو گؤردو. البته کی بو ايشده رحمتليک اوستاد محمد علی فرزانه، پروفئسور جميل حسنلی، دوکتور نعمت رحمتی، گلناره ممد اوا، اسماعيل اؤلکر، سونرالار خومار خانيم جعفرلی و سايره لری بيزيم يارديمجيميز اولدولار. سون سايلاری 64 صحيفه ليک دولغون بير درگی يه چئوريلدی. درگی نين، گون اؤزو گؤرمه سی  بيزی و باشقا سويداشلاريميزی سئوينديردی.

ايکينجی خاطره، 628 صحيفه ده اولان «بيرعسگرين خاطره لری» آدلی کيتابيمين 2007- جی ايلين مای آيندا گون اؤزو گؤزمه سی ايدی. يعقوب بيگ تکنيک ساحه سينده اونودولماز امک صرف ائتميشدير.

ايسترديم سون سؤزومی بئله دئييم :

 يعقوب بيگ! سيزی، من بئله تانيميشام: سيز اؤزونوزو ايستديگی قدر اؤزگه لری ده سئويرسينيز. ائل- اوبا قايغی کشی سينيز!  آز دانيشيب چوخ عمل ائدنلردن سينيز!  حقيقت يولونون يورولماز يولچوسو سينيز!  سؤزون تام آنلاميله بيرتبريزلی سينيز. داورانيشيغينيز، دانيشيق طرزينيز، ياشامينيز عايله مناسبتينيز و آنا يوردونوزا و ميللی وارليغينيزا نه قدر صميمی باغليليغينيزی دريندن دويموشام. تبريزکيمی ووقارلی، تبريز کيمی آلچاق کونول سن!

عزيزقارداشيم! قلم آغ کاغيذ اوستونده سوزور و  سؤزلر مينجيق کيمی بير- بيری نين آردينجا دوزولور. اينانين کی،  سنين حاققيندا داها آرتيق يازماق اولاردی. هله ليک بو قدر!

ايسترديم بيرداها اؤزوم و عايلم طرفيندن،  سيزين 50 ايلليک آد گونوزو، سيزه، وقارلی حيات يولداشين رويا خانيما و ايستکلی اولادلارينيزا، هابئله بوتون سنی سئونلره صميم قلبدن تبريک دييم. سنه جان ساغليغی و حياتينيزدا يوکسک باشاريلار آرزيلاييريق.  آد گونون موبارک اولسون. آرزيلارينيز چيچک له نسين!!

درين حورمتله ميرموسی هاشمی

مالمو- ايسوچ

16مای 2008