گونئی آذربايجاندان گؤندريلن تبريک مکتوبلاری

 

 
 

درين آلقيشلا، عشق اولسون

 اوستاد ميرهدايت حصاری نين شرفلی آد گونونه

آذربايجان معاصير ميللی ادبيات تاريخينده نادر و افتخار ياراتميش شخصيتلردن بيری ساييلميش اوستاد مير هدايت حصاری نين آنادان اولماسينين 75 جی ايل دو نومو ، سپتامبر آيي نين اون نجو گونو ساعات 18 دن 21 قده ر، حورمتلي وارليغين سسی درگی سينين مسئوللاری طرفيندن ايسوچين مالمو شهری نين ميللت ائوينده ، آوروپادا ياشايان يوزلر نفر آذربايجالارين چوخ طنطنه لی اشتراكيله قيد اولونماسی آذربايجان ميللتی طرفيندن چوخ شرفلی، افتخارلی و اونودولماز بير گون كيمی قارشيلاناراق تبريك ائديلر.

آذربايجانين معاصير ادبيات زيروه سينه يوكسلميش اوستاد مير هدايت حصاری، اؤز دگرلی و ثمره لی حياتيندا پارلاق تفكری ايله آذربايجان ميللتينين اصيل كيمليگینی ، ميللی شخصيتينی و ادبی ارثينی حقيقی معنادا يوزلر كتاب و مقاله واسطه سيله قلمه آليب نشر ائتديرمكله قوروياراق، اؤز بورجونو شرفله خالقينا اؤده مه يه موفق اولموشدور.

بئله بير افتخارلی گونو تبريك ائدن، اوستاد مير هدايت حصاری نين شاگرد لری و قلمداشلاری، او عالیجنابا اوزون عؤمور ، ذهنينه داهادا آيدينليق و اؤز شرفلی وظيفه لرينده داهادا يوكسك ليكلره اوجالماسينی آرزو ائده رك حؤرمتلی وارليغين سسی درگیسينه بئله بير شرفلی وظيفه نين يوكسك برپا ائتديگينه گؤره درين تشكورلرينی بيلديرير لر.

 

علی حامد ايمان - منوچهر عزيزی - حسن اميد اوغلو - حسن  ارك- عقيل آذردخت

حميد  شافعی - بهرام ائلچين - محمد رضا لوائي-  بهروز  ايماني-  حسن آذربايجان

ياشار   آذراوغلو - رضا  ايتگين- آيدين  تبريزلي- مهرداد  ايراني اصل -  عاشيق غفار

احمد  حيدر اوغلو - علاء الدين  حبيبی- مير جليل  حسيني- علي   سليماني

حميد  سخامهر- محمود  عبادی- عباس  نيك روان-  رضا  همراز-  اسماعيل  اولکر

فريدون  حاصارلی

 
 
     
 

شمس تبريز طرفيندن گلن مکتوب

يئنه اؤز ائل اوبالاری نين قايغي كشلري وطن دن اوزاخ اؤلكله لردن وطن-  وطن دييه  قايغيسينی ايللر بويياوزيله ياشاديب ائلينه خاطر بير چوخ سيناقلاردان گئچن قهرمان اولادلاری نين بيریسی نين 76 ايلليگينی عزيز سانماق ايستميشديلر . دوغرودان – دوغروسو بوگونكی گرگين وضعيتده بو كيمی ايشلری گؤره ن لر ميللتی نين داشينی حقيقی معنادا سينه لرينه دؤين لردن باشقا كيملر اولا بيلرلر؟

سوئد ده  ياشايان آذربايجان ادب سئورلری يئرلی اولاراق حؤرمتلی مهندس

مير هدايت حصاری نين گؤردويی سامباللی ايشلرد ن تشكر ائتمه قرارينا گليب لر . بيز هله اوستاد حصاری نين ، توز باسميش و اسكی اثرلريميزی آراييب و اينجه له ييب خالقيميزا تانينمالاری ايله  ايللردی تانيشيق .  سيز چاليشقان وطنداشلار بو كيمی چوخ ديرلی ايشده تشبث گؤسترديگينيزه  گؤره اللرينيز آغريماسين ديه،  آرزی ائديريك  اوستاد ميرهدايت حصاری نين سقسان ايلين ، 90 ايلين و 100 ايللرين آذربايجاندا

عزيز ليه بيلك .

ياشاسين سوئدده ياشايان آذربايجانليلار

ياشاسين ميرهدايت حصاری كيمی چاليشقان انسانلار

و ياشاسين آذربايجان

شمس تبريز يازيچيلاری طرفيندن

 
 
     
 

حؤرمتلی و دیرلی محقق و یازیچی میرهدایت حصاری جنابلاری!

 

"نوید آذربایجان" نشریه­سی­نین صحیفه­لری ایللردیر کی، سیزین دیرلی مقاله لرینیزله سوسلنیر. سیز آذربایجانین ادبیات و فرهنگی­نین دوغرولوب و بارلانماسی یولوندا بیر عؤمور چالیشیبسینیز. خالقیمیزین یوللارینی هامارلاییب و ایشیقلاندیریبسینیز. بیز "نوید آذربایجان" قزئته­سی­نین چالیشقانلاری اولاراق سیزین 75 یاشا دولماغینیزی تبریک ائدیب و سیزین اوچون اوغورلار، یاخشی گله­جک و اوزون عؤمور آرزولاییریق.

 

"نوید آذربایجان" قزئته­سی­نین یازیچیلار هئیتی

16/6/86

 
 
     
 

 

اؤلکه­میزین یوکسک تدقیقاتچی، فولکلورشوناس، سؤیچو و یازاری هابئله "وارلیق" درگیسی­نین سورکلی امکداشی ساییلان سایین میر هدایت حصاری جنابلاری­نین 75  ایللییی ایله باغلی "وارلیغین سسی"­- نین دویوق ایشداشلاری هیمتی ایله بیر آغیرلاما تؤره نی­نین کئچیریلمه­سینی آچیق اورکله آلقیشلایاراق اؤز مینتدارلیغیمی بیلدیریرم. اوزاقدان شرف دوغوران اللرینیزدن اؤپرک بئله اومورام کی، بئلنچی تؤره نلرین  آردیجیل شکیلده قورولماسی آذربایجان میلتی­نین ان بؤیوک معنوی و جانلی سرمایالارینی تانیتدیرمادا و اونلارین آذربایجان مدنیت ساحه­سینده چکدیکلری امکلری دیرلندیرمکده اوغورلار قازانیب و اولوسوموزون توکنمز آلقیشلارینی الده ائتمیش اولاسینیز.

 

خوی مدنیت اوجاغیندان

پرویز یکانی زارع

14/6/1384

 
 
     
 

حؤرمتلی عالیم، فولکلورشوناس و آراشدیرماچی میر هدایت حصاری جنابلاری!

 

سیز ایللر بویو دیلیمیز و مدنیتیمیزین چیچکلنمه­سی اوغروندا آغیر زحمتلره قاتلاشیب و مدنیتیمیزه دیرلی و مؤحتوالی اثرلر وئرمیشسینیز. سیزی 75 یاشا دولماغینیز موناسیبتی ایله تبریک ائدیب و سیزه اوزون عؤمور و اوغورلار آرزیلاییرام. آغیرلاما مراسیمینی قوران "وارلیغین سسی" – نه ایسه عالیملریمیزی اونوتمادیقلاری اوچون مینتدارلیغیمی بیلدیریر و تشکور ائدیرم.

میر مسعود صفری "حیران"

اورمو

16/6/1384

 
 
     
 

 

آذربایجانیمیزین حؤرمتلی بیلگینی، دیرلی آراشدیریجی و یازیچیسی میر هدایت حصاری جنابلاری!

من ده اؤز نؤوبه­مده سیزین 75 ایللیک بارلی، بهره لی حیاتینیزی اورک دولوسو سئوینجله تبریک دئییرم. سیز آذربایجانین فرهنگ، تاریخ و مدنیتینی تانیییب، تانیتدیرماق یولوندا چوخ بؤیوک آددیملار آتیبسینیز. سیز آذربایجان گنجلری­نین اوره یینده و بئینینده حقیقت ایشیغینی جالایانلاردان اولوبسونوز. سیزه داها پارلاق گله­جک، اوزون عؤمور و جان ساغلیغی دیله­ییرم.

 

دوکتور جمال آیریملو

اورمو

16/6/86

 
 
     
 

تورک کولتورونو وورغونسا ائللر آراسی و اؤلکه­لر اورتاسی آراییب یایان، ایللر بویو یورولمادان تدقیقات، فولکلور، ادبیات و شئعیر ساحه­سینده چالیشیب و قوتلو عؤمرونون چوخ پایینی بو یولا باغیشلایان جناب میر هدایت حصاری­نین 75 ایللییینی قوتلایاراق اوزون عؤمور و گله­جک گونلرینده سعادت و ساغلاملیق دیله ییرم. هابئله "وارلیغین سسی"ـ­ نه ضیالیلاریمیزی اونوتمادیغینا گؤره مینتدارلیغیمی بیلدیریب اونلارا باشاریلار آرزو ائدیرم.

یوسف بهنمون(دالغین)

اورمو-   15-6-1384

 

 
 
     
 

علم و مدنیت خادیملرینی عزیزلمک اصلینده علم و مدنیته خیدمت ائتمکدیر. بونونلا بئله دیرلی "وارلیغین سسی" امکداشلاری­نین حؤرمتلی عالیم، یازار و تدقیقاتچی میر هدایت حصاری جنابلارینا آغیرلاما مراسیمی دوزنلمه­لری اولدوقجا دیرلیدیر.

اوستاد حصاری جنابلاری سورکلی اولاراق اؤز دولغون علمی و تدقیقی اثرلری ایله آذربایجان علم و مدنیتینه بؤیوک خیدمتلر ائتمیشدیر. قورولان آنما مراسیمی موناسیبتی ایله حصاری جنابلارینی تبریک ائدیر و اونا اوزون عؤمور، خوش گونلر و یئنی باشاریلار دیله­ییرم.

حؤرمتله؛ کیان صفری

اورمو

2005/9/4

 
 
     
 

 

 

Dəyərli Mirmusa bəy!

   Ozaqdan salamlarımı, sayqılarımi sizə və əziz ustadımız Mirhedayət hesari bəyə catdirmaq istirəm Və umuram ki, bütun işləriniz istədiyiniz kimi olsun.

   Mən öz tərəfimdən, bütün Azərbaycan türk xalqına, ustad Mirhedayətin sizlər tərəfindən İsveç ölkəsində ağırlanmasın ürəkdən qutluram (təbrik) və bülürəm ki, sizin bu addımlarınız Azərbaycan və Azərbaycan xalqına böyük başarılar gətirəcəkdir.

   Siz və sizin kimilərə ürəkdən başarılar arzı edirəm və ozaqdan sonsuz təşəkkürlərimi bildirirəm!

 Azərbaycan və azərbaycan xalqı üçün ölümə can diyən,

Nasir Təğioğlu

Amerika- 2 septeyaber2005