Sabirinin duzlu sözün düşmən görür qəhər edir,

Xaqanilər, Füzulilər, Nəsimilər sehr edir

Vaqif kimi şairlərdən divanların var sənin,

Mədəniyyət tarixində insanların var sənin.

Molla yazan jurnaluvun xalq içində adı var,

Yazdıqları sözlərinin ləzzəti var, dadi var,

L,ətifələrlə doludur, içində hər zadı var,

Görən bilir şirin- şirin bəyanların var sənin,

Mədəniyyət tarixində insanların var sənin.

Azərbaycan, çox olmusan alimlərin məskəni,

Xalqın olub hər zamanda cəhalətin düşməni,

Sənsən mənim şanlı elim, çox sevirəm mən səni,

Günəş kimi parlaq olan zamanların var sənin,

Mədəniyyət tarixində insanların var sənin.

Sən faşistin belin bükdün qüdrətinlə, əlinlə,

Quyulardan çıxartdiğın neft adında selinlə,

Kömək etdin yoldaşlara, xoş bəyanlı dilinlə,

Zəfər tapdın dəvalarda, nişanların var sənin,

Mədəniyyət tarixində insanların var sənin.

Fələk bizi ayrı salib, çox böyükdür elimiz,

Dünya bilir birdir bizim nəsibimiz, dilimiz,

Qoy yağilar bilsin- bizim bükülməzdir belimiz,

Döyüşlərdə qalib çıxan cavanların var sənin,

Mədəniyyət tarixində insanların var sənin.

Köşgi- balaban

Köşgi- balaban Araza baxar,

Arazın suyu gözlərdən axa

Ej Araz, quru, axma bir zaman

Ej bizi oda yandırıb- yaxan.

 Sənlə ayrıldı ana- baladan.

 Köşgi- balaban Araza baxar.

 Arazın suyu gözlərdən axar,

Dağlarında var qanımın izi.

İndi də baxır anamın gözü,

Uca dağlardan axtarır bizi.

Köşgi- balaban Araza baxar

Arazın suyu gözlərdən axar.

Yardan ayrıldı adaxlı qızlar,

 Dizin qucaqlar, ürəkdən sızlar,

 Dövrəmə gəlin, ey adaxsızlar.

Köşgi- balaban Araza baxar,

  Arazın suyu gözlərdən axar.

İllər dolandı, bir- birin tapdıq,

Tale oyandı, bir- birin tapdiq,

Bir ürək, bir qan bir yerə çatdıq,

Məhəbbət gözü bir yerə baxar,

Arazın suyu gözlərdən axar.

Catdı bir- birə oğul, analar,

 Uzaqdan görub qolların açar,

 Ana, gəl, deyib bağrına basar,

Məhəbbət gözü bir yerə baxar

Arazın suyu gözlərdən axar.

* * *