گئنيش ياييلميش عاشيق  ماهنيلاري

 

نرگيز (1)

 

سؤزلري: ((طاهير و زهره ))  داستانيندان.

 

بو دور گه لدي  باهار فصلي،

آچيليبدير لالا،  نرگيز!  (2)

آغيز سود دور، دوداق قايماق، (2)

ديلين باتيب بالا،  نرگيز! (2)

 

كه سيبسن عاشيقين  يولون،

قيريبسان قانادين،  قولون، (2)

توتو كيمي اؤتور  ديلين، (2)

دؤنوبسن بولبوله  نرگيز! (2)

 

اوچا- اوچا داغلار  قالدي،

گولو سولموش  باغلار قالدي، (2)

زهره ياريم  آغلار قالدي، (2)

دور، سال مه ني يولا،  نرگيز! (2)

 

-متنين اينديكي واريانتيندا بيرينجي

بنده بو سؤزلر علاوه اولونور:

 

اليمي وئرميشه م  اله،

جانيم قوربان فيتنه- فئله. (2)

شه دده* كيمي اينجه  بئله (2)

توت قولومدان دولا،  نرگيز! (2)

آي نرگيز،

آي قيز، آي قيز، بالا  نرگيز.

 

دوداقلارين بال تك  دادير،

قاشلارين آدام  آلدادير. (2)

زهره نين گؤزو  يولدادير، (2)

نئجه گه ليم بئله، نرگيز،

آي نرگيز،

آي قيز، آي قيز، بالا  نرگيز.

 

سن طاهيري كوسدورموسن، (2)

قول- قانادين سينديرميسان، (2)

گه ليب يولون پوسدورموسان، (2)

نئجه گئديم يولا،  نرگيز، (2)

آي نرگيز،

آي قيز، آي قيز،  بالا نرگيز.

 
شه دده بورادا ايپه ك قورشاق معناسيندادير 

(1)  سو نا بولبوللر (  آذربايجان خالق وتصنيف لري )  قافار ناماز علي يئو  

كؤچوردن :ف.اصغرنيا ( سئودا ) بيرينجي چاپ-  1379-نجي ايلين يازي .تبريز