آذربايجان ميللي جبهه سي نين نوروز بايرامي مناسيبتيله آذربايجان خالقينا تبريکي

عزيز هموطنلر، غيرتلي باجي وقارداشلاريميز!

مين ايللر بويي ده ده بابالاريميز باهارين گليشيني مين آرزو وايستكله بايرام اتميش، پيسليكلري، آغيري وآجيلاريني سو اؤزرينده آخيتميش، اود دا يانديرميش، گؤزل نيت لرين بير بوغدا ده نه سينده، سمني دييره ك بسله ميشدي. مين ايللر دير مغلوبيتين آجي سي،  غلبه نين سئوينجي بيزلري ايزله ميش، بوگؤنوموزه قدرياشادميشدير. بايرام تونقاليندا، مصري، كوراوغلو هاواسيندا، بابك، جاويدان يادداشتي ايله شهيد قاني ايله يويولوب آرينديق.  بيزلري خائنلر، ساتقينلار،  جلادلار سينديرا بيلمه دي.  ستارخان، خياباني، پيشه وري و بوتون شهيدلريميزين روحو بيزيم له دير. بو عزيز بايرام گؤنونده قهرمانلاريميز يئللرين قوجاغيندا، اؤدون ايستي سينده، سويون شفافليغيندا تورپاغين غظمتينده دير.

عزيزلريميز!    هامينيزي، هاميميزي،  قونداقداكي  آنا لايلاسي،  چيچك سود  قوخولو  بالالاريميزي، آغ بيرچك وآغ ساققاللاريميزي، باجي وقارداشلاريميزي نوروز بايرامي مناسبتيله اؤركدن تبريك ائدير، سيزه اوغورلار آرزولاييريق.

اوجا تونقاللارينيز گؤر يانسين، سولارينيز بؤل آخسين، هاوانيز تميز، تورپاغينيز بركتلي اولسون.

21 مارت 2003

ايسوچ-مالمو

عنوانيميز:
تلفن:
0046736519792
0012096062947
فاکس:
004640912260
0012095238639
ايميل:
info@aznf.org
اينترنت:
www.aznf.org