21 مارت 2003-ايسوچ-مالمو
بيلديريش

حؤرمتلي هموطنلر!
آذربايجان ميللي جبهه سي ياراندي!

دونيانين دورد طرفينده ياشايان ميللي حاقلاري اوغروندا، ميللي مدنيتي يولوندا، ميللي آزادليغي اوچون جانيندان، واريندان گئچميش بير گروپ آذربايجانلي اوچ ايلديركي بو مسلكله مبارزه يه باشلاييب آذربايجان ميللي جبهه سي اؤچ ايلليك گرگين امگين، يوخوسوز گئجه لرين، عذابلي گؤنلرين بهره سي دير. يوزلرله كيلومتر يول گئچميش، يوزلرله ساعات تلفون دانيشيقلاري، يازيشمالار، سايسيز توپلانتي لار كئچيريليب. نهايت مذاكره لر اؤز نتيجه سيني وئردي.
بو ساعاتلاردا جنوبي آذربايجاندا، بيرلشميش ميللتلر تشكيلاتيندا، آوروپادا، تهليكه سيزليك و
امكداشليق تشكيلاتيندا، آمريكانين سنا سيندا، دونيانين ان بؤيوك انسان حاقلاري قوروملاريندا، بوتون آچيق سايتلاردا مراجعت و بياناتلاريميز ياييلير. بوتون قولاقلار‌ ((آذربايجان)) اشيدير، بوتون ديللر ((آذربايجان دئيير، بوتون گؤزلر ((آذربايجان)) گؤرور.
 آذربايجان ميللي جبهه سي ميليونلارلا وطنداشيميزين حاق سسيني گؤيلره قالديريب، بيزي اشيدمك ايسته مه ين،  بيزيم ميللي وارليغيميزدان،  ديليميزدن، تاريخ  ومدنيتيميزدن  قوپارانلاردا
بو سسي اشيده جك.
عزيز سويداشلاريميز، بو
جبهه سوسيال وضعيتيندن، مالي دوروموندان، جنسي (خانيم آقا) دان آسيلي اولماياراق هربير آذربايجانلي نين جبهه سي دير. بوجبهه بيزيم دير. خالقيميزين ان عزيز بايرامي، نوروز بايرامي گؤنونده هربيريميز اوچون خوش خبر، مژده دير. اوز جبهه نيزين سيرالارينا گلين، اونو مدافعه ائدين، قورويون، آزادليغينيزا، ميللي حاكميتينيزه قوشولون.
بو يولدا هر بيريميزه موفقيت آرزولايير، گله جگه سؤنمز اميدايله سيزلره گؤوه نيريك.

آذربايجان ميللي جبهه سي

 عنوانيميز:
تلفن:
0046736519792
0012096062947
فاکس:
004640912260
0012095238639
ايميل:
info@aznf.org
اينترنت:
www.aznf.org