دونياسين دييشنلر!

باش ساغليغي
2002-نجي ايلين نوامبر آيي نين 10 دا تبريزده كي مهرخسته خانه سيندا  صفرخان قهرماني 81 ياشيندا دونياسين دئييشدي.
صفرخان  1921-نجي ايلده اورمو گؤلونون ياخينليغيندا عجب شيرمحالينين شيشه وان كندينده دونيايا گؤز آچميشدير وگنج ياشلاريندا 1945-نجي ايلده، ميرجعفرپيشه وري نين باشچيليغيندا يارانان آذربايجان ميللي حكومتي نين فدائي باشچيلاريندان ودموكرات فرقه سينين عضوي اولموشدور. ميللي حكومت قان ايچينده بوغولاندان سونرا صفرخان 1947-نجي ايلده پهلوي حاكميتي واختي حبس ائديليب واسلام انقلابيندان سونرا 1978-نجي ايلين آخيرلاريندا زندان- دان آزاد
اولونموشدور. صفرخان 32 ايل عؤمرونو، گنج چاغلاريندان بئله آذربايجان ميلتينين آزادليغي اوغروندا قارا زندانلاردا كئچيرميشدير.بيز بومبارز وطنداشيميزا اولوتانري دان رحمت واونون حورمتلي عايله سينه وبوتون آذربايجانين باش اوجاليغين سئونلره باش ساغليغي ديله ييريك.
(صفرخان حاققيندا گلن ساييميزدا آرتيق معلومات وئريله جكدير.)

باش ساغليغي
آلديغيميز معلوماتا گؤره پروفئسور عارف منصور اووا، آذربايجان جمهوريتينده ياشيللار پارتياسينين صدري، دؤولت طبيعتي موحافظه كميته سينين كئچميش رهبري كئچنلرده  اؤرك توتماسيندان وفات ائتميشدير. بلليكله او مرحوما اولو تانري دان رحمت  قالانلارا دؤزوم ديله ييريك.

باش ساغليغي
آلديغيميز معلوماتا گؤره ده يرلي ، آراشديريجي ،يازار ، تاريخچي و  شاعيريميز رضا غفاري گوزله نيلمز حالدا دونيا سين دييشيب وابديته قووشدو. بلليكله بوايتگيني اونون حورمتلي عايله سينه،‌ هابئله آذربايجانين باش اوجاليغي اوغروندا چاليشان وطنداشلاريميزا باش ساغليغي دئييب  واولو تانري دان  او مرحوما  رحمت وقالانلاريا دؤزوم ديله ييريك.

باش ساغليغي
كؤلتوره ل وادب ساحه سينده چاليشان ديرلي شاعريميز بهرام اسدي نين رحمتليك آتاسينين ابدييته قووشماسين ائشيدديك.

بو واسطه ايله حورمتلي بهرام واونون عايله- سينه  و هابئله تانييانلارينا باش ساغليغي دئييب  واولو تانري دان او  مرحوما  رحمت
ديله ييريك.

باش ساغليغي
كئچن آيلاردا آذربايجان جمهوريتينه عايد اولان گمي نين خزر دنيزينده قضايا ايله راستلاشماسي نتيجه ده 43 نفر وطنداشلاريميزين هلاك اولماسي اؤركلريميزي كدرلنديردي.  بوواسطه ايله، اولنلره رحمت و قالانلاريا دؤزوم ديله ييريك