عمومي بحث اوچون، بيرنئچه سؤز: دموكراسي نه دير؟

بيز آزادليق ودموكراسي نين چاغيريش سسيني يئركوره سي نين هرطرفيندن ائشيديلديگي بير دؤوروده ياشاييريق . . . دونيانين هريئرينده ياييلميش بوحادثه، چاغداش ليبرال دموكراسي نين صرف عايد بيرحادثه اولدوغونو وغيرغرب مدنيتلرده هئچوقت اوغور قازانا بيلميه جگيني تصديق ائدن ايچ اوزونو آچير. ژاپون، ايتاليا وونزئولا كيمي چئشيتلي، لاكين دموكراسيني سيناقدان گئچيرميش دؤولتلرده دموكراتيك قوروملار آزادليق واؤزونو اداره اوچون جهدلرين حياتا گئچيريلمه سيني طلب ائده بيلير.

 

دموكراسي نه دير؟

دموكراسي ده اساس پرنسيب كيمي،‌ اساس انسان حقوقلاريني قوروماق گنيش شكيلده قبول ائديلميشدير. بومسئله اؤزونو بوتون دونيادا يازيلميش اساسي قانونلاردا (آناياسالاردا) عين حالدا  بيرلششميش ميللتلر تشكيلاتي نظامنامه- سينده وهلسينگي مقاوله نامه سينده رويادا تهلكه- سيزليك وامكداشليق هابئله بين الخالق مشاوره لرده اؤز افاده سيني تاپميشدير.

حقوقلارين آيري- آيري مقوله لري آراسيندا اولان فرقلري تعيين ائتمك باشقا بيرمسئله دير. سون زامانلارا قدرخصوصا بين الخالق تشكيلاتلار آراسيندا بئله بير ايستك واركي اساس انسان حقوقلاري نين سياهه سيني كنيشلنديرسينلر. سؤز، قانون قارشيسيندا برابر مدافعه آزادليقلارينا تحصيل، ايش، هرهانسي بيرآدامين اؤز ميللتينه يامدنيتينه موافق ياشايش حقوقلاريني دا علاوه ائتديلر.

بونلارين هاميسي ده برلي تدبيرلردير. لاكين بئله بير ايستكلرين چوخالماسي انسان اساس حقوقلاري نين معناسيني قيمتدن سالماغا مئيل گؤسترير. بوندان علاوه بو آرتيرمالار اساس حقوقلارين اجراسيني فردلر باره سينده دومان- لانديرير.

حكومتلرسؤز آزادليغي كيمي الدن آلينماسي ممكن اولمايان حقوقلاري اؤز خصوصي حركتلريني محدودلاشديرماق، عمومي ساغلامليغا علاقه گؤسترمك واشتغالي ضمانت ائتمك، تام وباشقا بيرشئي طلب ائدير: موافق سياسته وپروگراملارا تكان وئرمگله حكومتين فعال صورتده ايشه قاريشماسي. ساغلامليييغا قايغي گؤسترمك وتحصيل امكانلاري هربير اوشاغين آنادان دوغما حقوقي اولماليدير. بوتاسف ائديله جك فاكتديركي بونلار  هئچده اؤز ترازيندا اولمور. چونكي بومقصده چاتماق اوغروندا جمعيتلرين امكانلاري اؤلكه دن اؤلكه يه آشكار صورتده فرقله نير. بونا باخماياراق انسانين اؤركدن قوپان هربير آرزوسون قانونا چئويرمكله حكومتلر،‌ جماعتده مراغين آرتماسينا سبب اولور، وبوتون انسان حقوقلارينا اعتناسيزليق آرتيقدان آرتيغا آرتيرلير.

برابرليك وقانون:

قانون برابرينده برابرليك ويابعضي حاللاردا دئييلديگي كيمي، قانون اساسيندا برابرمدافعه، هربيرعدالتي ودموكراتيك جمعييت اوچون اساس ساييلير. ايستر وارلي اولسون، ايستريوخسول، ايسترائتنيك (قومي) چوخلوغا باغلي اولسون، ياديني آزليغا، ايستر دؤولتين سياسي موافقي اولسون، ايستر اونون عليهينه چيخسين، هامي نين قانون اساسيندا وقانون مدافعه حقوقو وار.

دموكراتيك جمعيت ضمانت وئره بيلمزكي، ياشاماق هامييا برابر مناسبت بسليه جك وياشاماغين هئچ بئله تعهدي ده يوخدور بونونلا بئله، مشروطيت اساس قانونلاري متخصصي John p frank  يازير:

((حكومت هئچ بيرشرايطده علاوه برابرسيزليك قويا بيلمز . . . اوندان اؤزونون بوتون آداملاري- ايله عيني شكيلده وبرابررفتار ائتمه سي طلب اولونماليدير.

قانون آداملارين بوينونا قويولموش بير يوك دگيل. اونو آداملار يارانميش اولسالاردا هئچ كس قانونون اوستونده دورا بيلمز. دموكراتيك حكومت وطنداشلاري قانونا اونا گؤره تابع اولورلاركي، واسطه سيز يوللا اولسادا، اونلار قانونون ياراديجيلاري كيمي، اؤزلرينه تابع اولسسونلار.  قانونلاري تاسيس وتصويب ائتديكدن سونرا، آداملار اونلاري رعايت ائتمه لي اولدوقدا، هم قانونا، هم ده دموكراسييه خدمت ائديرلر.

حقوق نورملاري (معيارلاري)

فرانك گؤستريركي، تاريخ بويو هر بير جمعيتده جنائي عدليه  سيستميني اداره ائدنلر اونوسوء استفاده وظلم ائتمك اوچون ساخلاييرلار. آيري-آيري فردلر دؤولت آديندان حبس اولونموش، اونلارين وارلاري مصادره ائديلميش، اؤزلرينه اشكنجه وئريلميش، سورگون ائديلميش وهئچ بيرقانون اساس اولمادان اعدام ائديلميشلر. بوحاللار تئز- تئز هئچ بيرقانوني اتهام اولمادان حياتا گئچيريلير. هئچ بيردموكراتيك جمعيت بوسوء استفاده حاللارينا دؤزه بيلمز.

هر بيردؤولتين قانون- قايداني قوروماق وجنايت عمللرينه گؤره جزا وئرمك صلاحيتي اولماليدير. لاكين دؤولتين حقوقي شكيلده حياتا گئچيرديگي قانون معيارلاري واونلارين استفاده اصوللاري كوتلوي وآيدين اولمالي، گيزلي، اساسسيز  ويا دؤولتين سياسي حيله گرليك تؤرتمك اوچون بهانه اولماماليدير.

ائوين آختاريلماسي اوچون بئله بيرآختاريشين واجب اولدوغو باره ده موافق امريه اولمادان پوليس هئچ كسين ائوينه زورلا سوخولاراق واورادا آختاريش  آپارابيلمز. گئجه ياريسي خفيفه پوليسينين كيمين سه قاپيسيني دؤيمه سينه، دموكراتيك جمعيتده امكان وئريلمير.

آد وئريلن قانون پوزونتوسو باره ده آيدين ويازيلي اتهام نامه اولمادان، هئچ بيرآدامي حبسه آلماق اولماز. آداملارين عليهينه قالديريلان اتهامين دقيق ماهيتيني بيلمك حقلري اولماقدان علاوه، اگرمحكمه يه حبس اولان آدامين حبس اولوب اولماديغي باره ده اعتراض ائديليرسه محكمه بو اعتراضي يوخلاييب اونون دوزگون اولماديغي فكرينه گلديكده متهم يامتهملري آزاد ائتمه ليدير.

جنايت اتهامي ايله تهمتلنديريلن آداملار اوزون مدت حبسده ساخلانيلا بيلمز اونلارين ايشلرينه گئجيشديرمه دن باخيلمالي واونلاري تهمتلنديرنلرله اوز- اوزه قويوب بونلاري سئوال- سورغويا توتماق حقوقلاري وار.

اگرمحكمه يه جلب ائديلميش شخصين قاچماق ويا آيري بيرجنايته ال آتماسي احتمالي يوخدورسا، اوندا حاكميت اورگانلاري اونلاري ضامنه وئرمك ويا شرطي صورتده آزاد ائتمك قرارينا گلمه ليدير. جمعيتين عنعنه لري وقانونلاري اساسيندا تاكيد ائديلديگي كيمي، دؤزولمز وغيرعادي جزا)) قدغندير.

آداملاري مجبورائتمك اولمازكي، اونلار اؤزلري اؤز  عليهينه شاهد گئچسينلر. اؤز اراده- سي نين عليهينه اولاراق اؤزونو تهمتلنديريلمه سي سجيه وي اولاراق مطلق قدغن ائدييلمه ليدير. نتيجه اولاراق دئمك لازمديركي، شبهه آلتينا آلينان آداما پليس هئچ بيروجه ايله اشكنجه وئرمگه ويافزيكي وپسيكولوژي تاثير گؤسترمه مليدير.

زورلا اعتراف آلماغين قانوني قدغن ائديلمه- سي، پوليسين عذاب وئريب، تهديد ائتمك ويا آيري- آيري فشار شكيللريندن استفاده ائتمك درحال نيتيني اؤزه چيخاردير.

آداملارعيني جنايته گؤره ايكي دفعه مسئوليته آلينا بيلمزلر. بودقيق معناسيندا او دئمك ديركي آداملار باش وئرن عيني جنايتدن ساري ايكي دفعه متهم ائديله بيلمزلر.  محكمه ده ايشينه باخيلان وتقصيركار اعلان ائديلديگي اوچون برائت آلان آدامي عيني اتهام اوچون بيرداها حبس ويامحاكمه ائتمك اولا بيلمز.

استبداد رژيمي نين عمومي تاكتيكي مخالفتده اولانلاري خيانت ايله تهمتلنديرمكدير. بو سبب اوزوندن وطنه جنايتي تعرضي چوخ احتياطلا ائله محدود ائديلمه ليديركي اوندان حكومتي تنقيدين قارشيسني آلماق اوچون  سلاح يئرينه استفاده ائديلمه سين.

البته بومحدودلاشديرمالارين هئچ بيري او دئمك دگيل ديركي  دؤولتين  معين قانونلاري حياتا گئچيرمگه وجنايتكارلارا جزا وئرمكله زورو چاتمير. عكسينه جنايتي دموكراتيك اصوللارلا محاكمه ائديب گناهكاري جزالانديرماق اوقدرجدي اولماليديركي جمعيتي اداره ائدنلر خلقين نظرينده عدالتلي وهم ده بوتون وطنداشلارين فردي واجتماعي حقوقلاريني قورويان نماينده لرحساب ائديلسينلر.

محكمه رئيسلري محكمه ني اداره ائتمكده تعيين اولونور وياسئچيليرلر واولدوقلاري وظيفه ده يا معين مدت اوچون ويا عؤمور بويو ايسله ييرلر. اونلار هرجور  سئچيلسه لرسه- سئچيلسينلر، اساس بودوركي، اونلار سياسي حكومت دايره- لريندن آسيلي اولماماليديلار وبئله ليكله ده اؤزلري- نين غرضسيز وتمناسيز اولدوقلاريني گؤسترمه- ليديرلر. محكمه باشچيلاري هرهانسي معمول ويا ساده جه اولاراق سياسي سببلره گؤره ايشدن كنار ائديله بيلمزلر. اونلار تكجه جدي جنايتلر تؤرتديكلري ويا محكمه قانونلاريني پوزدوقلاري اوچون تهمتلنديرديكده قانون وئريجيليك اورگانلاريندا نظره آلينان محكمه لرده رسمي محاكمه ائديلديكدن سونرا كنار ائديله بيلرلر.

اساسي قانونلار:

دموكراسي نين اساس داياق نقطه سي، اساس وظيفه لري نين، قانون قايدالاري نين وقورولوشلاري نين افاده سي اؤزونو اساسي قانوندا گؤسترير. اؤلكه نين اساسي قانونو (آناياساسي) دؤولتين ان عالي قانونودور وباش ناظرلردن (وزيرلردن) توتموش كندليلره قدر وطنداشلارين هاميسي اونون طلبلرينه تابع ديرلر. اساس اولاراق  يازيلميش سندده  يئرلشديريلميش ان آزي ميللي حكومتين حاكميت قانونلاريني اساسلانديرير. انسان حقوقلاري اوچون ضمانت تامين ائدير وحكومتين اساس حقوقو گؤجو ساييلان قانون قايدالاري معين لشديرير.

دواملي اولماسينا وتاريخي كئيفيتينه باخماياراق، اگر قازينتي چاغي تاپيلان داش- قاشلاردان داها قيمتلي ديرسه ده، اساسي قانونلار دگيشديريلمه گه وتطبيق ائديلمه يه قادر اولماليدير. دونيانين ان قديم قانون اساسيسي 7 ييغجام ماده 26 دوزه ليشدن عبارتدير. بونونلا بئله، بو يازيلي سند محكم قرارلاري نين، قانونلارين، رئيس جمهور فعاليتلري- نين ومعنوي  تجربه نين كنيش قورولوشو اوچون ائله مثيلسيز بينؤوره ديركي، كئچميش  200 ايل عرضينده بنا ائديلميش وبيرلشميش ايالتلر آناياساسيني قورموشدور.

باشقا سؤزله دئسه ك آنا ياسا نه قدر اهميتلي اولسا بئله  توپلومون دگيشمه سيله اوندا  دگيشيك ليك آپاراماق لازم گلير.

سئچگيلر:

دموكراسيده حكومتين صلاحيتي جمعيتين راضيليغيندان يارانير. بوراضيليق تكجه آزاد وعدالتلي سئچگي مكانيزي ايله ممكن اولاسيدير.

بوتون معاصر دموكراسيلر سئچگي گئچيرير، لاكين سئچگيلرين هاميسي هئچده دموكراتيك دگيل. ساغ جناح ديكتاتورلوقلاري، ماركسيست رژيملري وتك حزبي حكومتلرده اؤز حاكميتلرينه قانونا اويغونلوق گؤركمي وئرمك اوچون، سئچگيلر  صحنه لشديريلير. بئله سئچگيلره ده آنجاق يابيرنامزد اولابيلر، يادا آلتيرناتيو سئچيملر اولمادان نامزدلر ليستي اولا بيلر. بئله سئچگيلر هربيراداره اوچون بيرنئچه نامزدتكليف (پيشنهاد) ائده بيلر، لاكين تهديد وساختاكارليق يولوايله تامينات وئريليركي، آنجاق حكومت بينديگي نامزد سئچيله جكدير. لاكين بوآنجاق حاكم حزب داخلينده اولماليدير. بئله سئچگيلر دموكراتيك سئچگيلر دگيل.

دموكراتيك سئچگيلر رقابت كاراكترليدير. مخالف جناحدا اولان حزبلر وكانديرلر سؤزآزادليغي، توپلانتي آزادليغي وحركت آزادليغيندان آزادشكيلده استفاده ائده بيلمه- ديلركي، اؤزلري نين حكومته تنقيدي مناسبتلري آچيق صورتده بيان ائتمگه آلتيرناتيف سياست يورودوب  اؤز كانديرلريني  تانيتديرسينلار. مخالفلره، ساده صورتده سئچگي بولتنلرينه ياخينلاشماق اجازه سي كافي دگيل. مخالفتين راديو، تلويزيون هاوا دالغالاريندان اوزاق ساخلانديغي، اونون تشكيل ائتديگي ميتينگلرين قاباغيني آلماسي، نشريه لرينه سانسور قويولدوغو سئچگيلر دموكراتيك دگيل. حاكميتده اولان چوخلوق اؤز وظيفه امكاني اوستونلوكلريندن استفاده ائده بيلر، لاكين سس وئرمه مبارزه سي قايدالاري واونون آپاريلماسي عدالتلي اولماليدير.

دموكراتيك سئچگيلر واخت آشيريدير. دموكراسيلر ديكتاتورلاري ويا پرزيدنتلري عؤمورلوك سئچميرلر. سئچيلميش رسمي دؤولت خادملري خالق قارشيسيندا مسئوليت داشيماليديلار وتعيين ائديلميش مدتدن سونرا اونلار سئچنلره اؤز توتمالي ودؤولت اداره سينده اؤز وظيفه لريني دوام ائتديرمك اوچون رضايتلريني آلماغا چاليشماليديرلار. بواودئمكديركي، دموكراسيده رسمي حالدا سئچيلميش آداملار اونلاري سس وئريلمگه توتدوقلاري وظيفه دن كنار ائديلمك ريسكيني ده گؤز اؤنونه گتيرمه ليديرلر. يگانه استثنائي/ محكمه لرتشكيل ائدير/كي اونلارين بيطرف قالديقلاري فاكتينا يارديم اوچون عمره سوره تعيين ائديله بيلرلر وآنجاق اؤزلريني جدي شكيلده ياراماز آپارديقلاري حالدا، وظيفه لريندن كنار ائديله بيلرلر.

دموكراسي چوخ استثنا بيرصميميت ومسئوليت اساسيندا چيچكلنه بيلير. بوصميميت ايسه اوزونو سس وئرمه مرحله سينده گؤسترير. راي ورقه سيني آزاد صورتده صندوغا سالماق وتهديد امكانلاريني ان آز درجه يه يئنديرمك اوچون دموكراسيده سئچگيلره اجازه وئريلمه- ليديركي، اونلار/ رايلريني گيزلين حالدا صندوغا سالسينلار. عين حالدا، بوتون راي صانديقلاري- نين ساخلانيلماسي ورايلرين ساييلماسي امكان اولدوغو  قدر علني  اولماليديركي،  وطنداشلار نتيجه نين سليقه لي چيخاريلماسينا وحكومتين حقيقتا اونلارين ((راضيليغينا)) اساسلانديغينا امين اولسونلار.

سئچگيلر قورتارديقدان سونرا اودوزانلار راي وئرنلرين حوكمونو  قبول ائديرلر. اگرقدرت باشيندا اولان حزب اودوزدورسا،‌ اوندا اوحاكميتدن گونوللو صورتده امتناع ائدير. كيمين غالب گلديگيندن آسيلي اولماياراق جامعه نين عمومي مسسئله لريني حل ائتمكده هرايكي طرف امكداشليق ائتمه يه راضيلاشير. بئله شرايطده سئچگيلرده  اودوزدوقلاري  اوچون سياسي مخالفتده اولانلار  بيليرلركي، اونلار اؤز حياتلاريندان محروم ائديلميرلر وحبس اولونمورلار. عكسينه، بير ويا نئچه حزبدن عبارت اولان مخالف ايجتماعي حياتدا فعاليتيني دوام وئره بيلر. بئله حاللاردا او درك ائديركي، هربيردموكراسيده اونون اويناديغي رول، اونون اؤز آدينا لايق اولماليدير.  نوبتي سئچگيلر  باشلانان كيمي، مخالفتده اولان حزبلر حاكميت اوغروندا رقابت اوچون يئنه امكان الده ائديرلر.

دموكراسي ومدنيت:

دموكراسي اؤز قوروملاري نين (تشكيلاتلاري نين) مجموعوندا داهاگنيش آنلاييشدير. ساغلام دموكراسي، اساس اعتباريله، دموكراتيك مدنيتين انكشافيندان آسيلدير. د. راويچ گؤستريركي، بو آنلامدا  مدنيت اينجه صنعته، ادبياتا وياموسيقيه عايد ائديلمير. لاكين ((رفتارلارا، تجربه لره ومعيارلارا عايد ائديليركي، بونلاردا آداملارين اؤزلري نين اؤزلريني اداره ائتمك قابليتيني معين- لشديرير.))

د. راويچ يازيركي ((استبدادي سياسي سيستيم غيرفعالليق وگؤوشكليك (سست لوك) مدنيتيني تقدير ائدير. رژيم مطيع وباش ايه ن وطنداشليق معياريني فورمالاشديرماغا جان آتير. بوتون عكسينه اولاراق، دموكراتيك جمعيتين مدنيتي فردلرين آزادشكيلده سئچديكلري فعاليتي ايله فورمالاشير. آزادجمعيتده وطنداشلار اؤز مصلحتلريني گودورلر. اؤز  حقوقلاريني سيناقدان گئچيريرلر واؤز حياتلاري اوچون مسئوليت داشييرلار. اونلار هارادا  ايشلييه جكلري  باره ده، هانسي ايشي گؤره جكلري، هارادا ياشاياجاقلاري،‌سياسي حزبلره قوشولوب قوشولماياجاقلاري، نه اوخوياجاقلاري وباشقا موافق حاللار حاققيندا اؤزلري تصميم توتورلار بونلار سياسي قرارلار/ اولماييب شخصي قرارلاردير.))

جمعيت مدني نين بديعي گؤستريجيسي كيمي، ادبيات، اينجه صنعت، درام اثرلري وفيلملرده حكومتدن آسيلي اولماياراق موجود دور.

دموكراتيك جمعيت رساملارا ويازيچيلارا يارديم ائده بيلر ويااونلاري باشقا يوللا راغيبلنديره بيلر، لاكين او، نه بديعي استانداردلار (اولگولر) تعيين ائدير، نه بديعي استعدادين دگري حاققيندا محاكمه يورودور، نه ده بديعي گؤستري اوچون سانسورقويور. اينجه صنعت ايشچيلري نه دؤولتين عمله لري، نه ده خدمتچيلري دير. دموكراسي نين اينجه صنعته ايلكين تكاني آزادليقدير- ياراتماق، سيناقدان گئچيرمك، انسان عقلينين وروحونون دونياسني درك ائتمك آزادليغدير.

دموكراسي وتحصيل:

اؤيرنك وتحصيل هربير جمعيتين، خصوصا دموكراسي نين حياتي  وآيريلماز اجزاسيدير. توماس جفرسون يازيركي، ((اگرهرهانسي بيرخلق تمدن شرايطينده جاهل قاليب وآزاد اولماغي گومان ائدرسه،  اوهئچوقت اولماميش واولابيلمز شئيين باش وئره جاغيني گومان ائدير.))

غيرفعال صورتده تقدير ائتمه شرطيني تلقين ائدن انفرادي جمعيتلردن فرقلي اولاراق، دموكراتيك  تحصيلين اساس غايه سي آزاد ومستقيل اؤيرمه يه علاقه گؤسترن وتحليلي دونيا گؤروشلو، عين حالدا دموكراتيك قانون- قايدالارا وتجربه لره دريندن تانيش اولان وطنداشلارحاضيرلاماليدير.

چسترفين نيكاراگوادا خلق معارفي ايشچيلري قارشيسيندا بير چيخيشدا دئميشدير:

((انسانلار شخصي آزادليق اوچون اشتهاايله دوغولا بيلرلر، لاكين اونلار واونلارين اوشاقلاري اوچون آزادليغا زمان گئچديكجه يول آچان ايجتماعي وسياسي تدبيرلر باره ده بيليكله دوغولمورلار . . . بئله شئيلره نايل اولماق لازيمدير. اونلار اؤيره نيلمه- ليدير.))