ناغيللار ولطيفه لر:
موللانصرالدين
 

بيرگون گئنه ده موللا نصرالدين نين ائويني اغرو وورموشدو موللا گئديب قبرستانليغين يولونون اوسته اوتوردو. دئديلر: موللا بورادا نييه اوتورموسان؟
موللا دئدي:
اوغرو هر هاراگئتسه آخيري بورا گله جكدير.



بيرگون موللانين بير جوت چوواليني اوغورلاميشديلار.
موللا جار چكيب دئدي:
منيم چوواللاريم تاپيلماسا بير ايش گؤره جگم كي هامي حيران قالا!
اوغرولار دئديلر بو مولادان هرنه دئسه ن چيخار ياخششيدي چوواللاريني وئره ك.
گتبريب چوواللاري وئرديلر سورا دئديلر. موللا سن كي بيربئله تهديد ائديردين دي ء گؤرك چوواللارين تاپيلماسايدي نه ايش گؤره جك ايدين؟
موللا دئدي،
هئچ . . . ائوده بير بؤيوك خورجونوموز وار ايدي اونو آرادان كسيب ايكي چووال ائده جك ايديم.

بهلول باره ده لطيفه لر
دالي يانا بير زاد قوي

بيرگون بيرمجلسده آغ سققل لر بهلول داننده ني دانلييب، نصيحت ائتديلركي پوللاريني كورلاماييب دالي يانا بيرزاد قويسون. بهلول اوزده ن گئديب دئدي ياخشي بوندان سورا . . .

بير آزدان سونرا شام آرايا گلنده بهلول بير كاسا خؤره ك گؤتوروب داليسيندا گيزلتدي. شامين آراسيندا بيرده گؤردولركي بهلولون داليسيندا پيشيك لر بوغوشورلار. دئديلر: بهلول گئنه نه ايش چيخارديبسان اورادا ؟ بهلول دئدي:
بير ايش گؤرمه ميشم، بير زاد دالي يانا قويموشدوم ايندي ورثه لر اوستونده ساواشيرلار.

آتالار سؤزلريندن نمونه لر :
آرپا اكه ن بوغدا بيچمز.
آسلانين ائركك ديشيسي اولماز.
آغاج بار گتيرديكجه، باشيني آشاغي تيكه ر.
آغاجي اؤز ايچيندن قورت يئيه ر.
آغريماز باشان ساققيز سالما.
آغ گون آدامي آغاردار.
آغلادان يانينا گئت، گولدوره ن يانينا گئتمه.
آ‎ غير اوتو باتمان گه ل.
آغيل باشدا اولار ياشدا اولماز.
آلاندا ياخشيدي، وئرنده پيس.
آيدان ايشيق، سودان دورو.
آللاه بيرينه وئرنده دده، نه نه سين سوروشماز.
آنادان آيريلان قوزونو قورد يئيه ر.
آنامين آشي، تنديرين باشي.
آنامازا دئسه ن نؤكرينم دئيه ر البته.

تاپباجالار‌(تاپماجالار)
آيناني قاپاخلاديم
دؤرت بير يانين ساچاخلاديم
آيناني قاپاخلاديم
دؤرت بير يانين تورپاخلاديم
اوستوزمي بيچرلر
آلتي بولاق ايچرلر
اوزون اوزون قميشلر
گئجه بيزه گلميشلر
او ققه دير اويناميشلار
خورد وخمير اولموشلار
اوجا دامدان آلچاق داما قار ياغار
بيزيم ائوده دورد گلين وار دوردو ده بير بويدا

تاپماجالارين جوابي
گؤز
قبر- مزار
قؤيون
اريشته
اه لك

ائوين بوجاقلاري