آذربايجان : سحرصفري
شعرلر
قورخولو تهران ( 3 )
م.اعتماد
آسفالت
اولوب هرشهرده يول لارخيابانلار
وار خشكه بيزيم شهرده بيهوده پلانلار
خلقي سحر-
آخشام دولانير زار وشكسته
گويا اؤلولردير دولانيرلار آياق اوسته
مين لرله فضاسيندا ياتيب قاره بولوتلار
باطينده گلن مرتجعه- خائنه بازار
ظاهرده اؤزون خلقه ساتير صاحب وجدان
معنادا گزير فكر- خياليندا حبيشدان (1)
والي لرين هرهانسيسي ائتدي بيزه رافت
احضار ايله دين قويمادين ائتسين اونو خدمت
ايندي بيزي محو ائتمگه مستوفوني تعيين
هرياندا دوروب خلقيميزه ايله دي توهين
توركه دئدي خر سويله دي ايندي مني ايششك
ايششك او آدامديركه بولر اؤزگه ني ايششك
ووردي ائله بير ديل ياراسي خلقه او نادان
اولماز كي چيخاردا اونو بير كيمسه ياديندان
خنجر ياراسي آخري ياخشي اولو قالماز
دنيا اؤزونو ديل ياراسي بيل كي ساغالماز
بيرباشا اؤزو خلقي عصاسيله دؤيئردي
بيرياندا قيزي- آروادي اصنافي سويئردي
بير عده يه طبيب آدينا ايلدي تكليف
بو مقصدين اوستونده اولوب چوخلاري توقيف
بير عده ني تهديد ايلييب وحشته سالدي
پول وردي بازاردان او ساتين غله ني آلدي
بير عده سي اصلان كيمي مردانه داياندي
تك خال گتوروب ميدانا سالدي شاهي ياندي
ييغدي بورانين غله سيني تهرانا وئردي
آتلار يميه ن آرپاسيني انسانا وئردي
آجليق اودو بو اؤلكه ميزه ولوله سالدي
افلاكه چورك واي سسي هر ائودن اوجالدي
يؤز مينلر ايله آرواد، اوشاقي قوجاغيندا
آغلاردي سيزيلداردي دكاندار قاباغيندا
چوخداندي وارام بوردا ديوب دستمال آتان كيم
ناموسيني بيرسنگكين اوستونده ساتان كيم
چوخلار گئديب اوردا دايانيب ناله ائديردي
آخر آلا بيلمزدي خجالتله گئديردي
مستوفي لارين عين مرامي اله گلدي
بيتلي ايچي بوش بوغذا چؤرك خلقه دورلدي
بير قسمتي قلچيق قالاني اجزاسي كيكدن (2)
گويا دؤزه لوبدور بو چورك ياپا تزه كدن
هر كيم اونا باخسيدي چؤرك آدي ديمزدي
آتسايدين ايتين اوستونه ايلردي يمزدي.
1-جبشدان- جيبيندن
2-كيكدن- بوغدا بيتي
آنا
ديلي (فارس قارداشا خطاب)
ميرهدايت حصاري
مندن آلير
الهاميني عالمده طبيعت
سايه مده چاتير كامينه مظلوم بشريت
هربيرقان ايچن مستبدين باغريني يارديم
مغرور ياراماز باشلاري پنجه مله قوپارديم
ظالملره ثابت دي منيم قهر وعناديم
((آزاد)) يازيلير صحفه ي تاريخلره آديم
گولدوكجه اؤزوم خلق جهان شاد اولاجاقدير
زنجير ستمدن، بشر آزاد اولاجاقدير.
اسارت دئيير:
گلديم ائله ييم، ارضده انسانليغي پامال
دنيا ياشاياندان، ياشايير منده بوآمال
هر نقطه يه گئتسم، بشرين چهره سي گولمز
هر ظولمكارين بئيني اولوبدير منه مركز
اوچ منظره
روحلانديريري قلبيمي آرتيق:
حقسيز تؤره يه ن قانلي ئولوم- گؤزياشي- آجليق
بونلار دوغور عالمده فقط جنگ وجدلدن
هر ايسته ديگيم فتنه وئرير باش بوعلمدن
شيطان كيمي
آفاقده كيم اولسا طمع كار
آنجاق او بوتون فكريمي، اسراريمي آنلار
بير كيمسه ده يوق منده اولان كين وعداوت
تاريخده دئييرلر آديما: ظلم واسارت.
آذربايجان
: سحرصفري
ياشا ياشا
آذربايجان
آنا يوردوم هربيرزامان
سنين ياشيل باغين وار
اوجا اوجا داغين وار
باغلارين دولو چيچك
داغلارين دولو ائرلج
ياز سنه قوناق گلنده
بولبول چمنده گولنده
اورك دولار مهرينن
آچار باغا ياسمن
تورك ائلين وارديرسنين
تورپاغيمسان وطنيم
سن سيز نئجه ياشارام
اي ايگيدلر دياريم
سن بؤيوك ايفتخاريم
سنسن آنا دياريم