بابک قالاسيندان گلن سسلر
مخبريميزين راپورتي

 

يوزمين آذربايجانلي بابك قالاسينا توپلاندي، بوندان بيله كي ايران دولت عسگرلري  ايزين وئرمه ديلر تا تهران، قزوين،‌ همدان، زنجان، اردبيل دوغو وباتي آذربايجاندان مين لرله بابكه ماراقلي اولانلار اونون قالاسينا گلسين لرآمما يؤزمين ده ن چوخ بابكين قالاسي نين هوندورنده توپلانديلار.

بوتوپلانتي ايكي گؤن اؤزاندي. يول آينين 4و5 ينده عين زاماندا. ايران پوليسي نئچه يئرلرده ميلتين اورا گئتمه سيني آزالتماق اوچون چاليشيردي. بير اهرده ن چيخاندا، بيرده كليبره گيرنده هامي ني آختاريرديلار. بوآختاريش اساسيندا اؤنلارلاجوان (گنج ) توتولوب وپوليس اداره لرينه گؤندريلديلر تا صاباحيسي گؤن محكمه لره يوللانسينلار.

پوليس يولو اله باغلاميشدير كي تكجه بير اتومبيل اورادان گئچه بيلردي. چون هرگلن ماشيني، آداملاري واونلارين وسائل لرين آختاريرديلار. اونا گوره چوخ اؤزون صف لر دؤزلميشدير. وقالايا گئده نلر ساعتلر صف ده قاليرديلار.

پوليس عسگرلري دئيير: بوآختاريش دا مين- لرآلكلي ايچگي توتوبلار. دئمه ليك كي ايران دولتي بيرحكم اساسينداايرانين بولگه حاكيم لرينده- ن وايرانين، ((سازمان ايرانگردي اورگانلاريندان)) ايسته ييب تا بابك قالاسينا طرف هئچ مسافري آپارماسينلار. بوحكم اساسيندا، تور شركت لري كليبر محالينا هئچ مسافرآپارماديلار. بو اوحالداديركي گئچن اؤچ ايلده هرتورآژانسي لاپ آزي10 اتوبوس توريست (450) نفر  بابك قالاسينا آپارميشدير.

هرايل اولدوغوكيمي، بوايل ده اؤنلار مين نفر اوآژانس لاردا آد يازديرميشلار تا بابك قالاسينا گئتسينلرآمما 3 -4گؤن گئتمه يه قالاندا، دوولت حكمي اونلارا دئييلدي، بونلارين 90% اؤزلرين بابك قالاسينا يئتيره بيلمه ديلر.

بيرقانون بيلن شخص منله دانيشيقدا دئدي: بيزآذربايجانليلارگرك ديركي قالادان قاييداندان سونرا ايران دولت وپوليس قارشيسيندا دوراق وقانون اساسيندا اؤزحقيميزي آلاق. اونون دئديگينه گوره: دولت بوايل بيزه ايزين وئرمدي تا شهرلرده ن چيخيب وداغلاردادا دولاناق. هابله، آلكلي ايچگي لري آختارما باهاناسينا بيزلري آختارديلار وعسگرلر بيزيم خصوصي حياتيميزا گيرديلر. اودوام وئردي: بو ايران اسلام جمهوريتي- نين قانونلارين سينديرماقدير. وبيز بوقانون- سوزلوغون قارشيسيندا دورمالييق.

دئمه لي ديركي بوجمعه آخشامي وجمعه ده ن علاوه، كئچن هفته ده لاپ آزي11 مين نفرآذربايجانلي تيرآيي نين 7-10 قدربابك قالاسينا توپلانميشلار.كئچن اؤچ ايله باخاراق، بو ايل ملت چوخ سوست دور (يورقونودور) وشادگورونموردي. نيه كي هريئري پوليس اله آلميشدير وامنيت مامورلاري اؤنلار هاندي كامينان  (ال كامراسيله) ميلتين فيلمين چكيرديلر.   مامورلارهريئرده گؤزه دئييردي وهريئرده  حاضيريديلار. اونلار هركيمسه يه شبهه لنيرديرلر، تئز اونلاري توتوردولار.

هابله، عسگرلرهركيمسه نين موسيقي وسيله لرين آليرديلار. وتكجه بيرقوجا كيشي اؤز سازين گئتيره بيلميشدير. آمما دولتين ارشاداورگاني اؤزو نئچه آشيق گوروپون بابك قالاسيناگئتيرميشدير. اونلارهرگؤن، ايكي موسيقي وشعير پروگرامين سحر وآخشاملار، آپاريرديلار.

بودولته باغلي اولان پروگراملارين برابري ايله، ملت اؤزوده آيري پروگراملارآپاريرديلار. دوولت طرفيندن آپاريلان پروگراملارين آپاريجيسي خسرو سرتيپي: كليبرلي دير.ملت آپاران پروگراملاردا، اونلارجا درين احساسلي شعير اوخوندو واورادا اوخونان هرشعر قورتاراندان سونرا چوخلوآلقيشلاندي. بو ايش دوولت پروگراملاريندادا تيكرار اولوردو. شاعيرلر، اؤزشعيرلرينده، ايران ايسلام جمهوري سيندن قانونون اجراسيني ايستيرديلر. اونلارين ان بيرينجي ايستكلري اؤز شعيرلرينده توركو وآنا ديللرينن  يازيب واوخوماقلاريدير.

بيرينجي گؤن ده، سراب واردبيل جوانلارينين بيرنئچه سي (( ده ده قورقود)) حماسه سي نين بيريني اجراء ائتديلر. بوپروگرام اوقدرگؤزل اجراء اولدو كي چوخلارينين گؤزلريندن ياش آخدي. بونلارينان بيله، بوايل يؤز لرتؤرك، كؤرد، فارس وعرب اولان ايرانليلار، بابك قالاسينا گئلميشديرلر.

يوسف عزيزي بني طرف : ايران عربلر سؤزچوسواولاراق، هابله الزامان والشرق عرب

 قزه ت لرينين ژورناليستي اولاراق بورا گلميشدير. اوبوردا بيرمكتوب پايلاييب وعربلرين ده آذربايجانا تاي قانونلواولان ايستكلرينه بارماق قويدو.

بوعرب يازيچيسي، اؤز قيساچيخيشيندا انيوريسته- ته طلبه لرينه دئدي: گرك ايران دولتي ايرانين جوربه جور اولان ميلتلري : تورك، عرب، كورد و. . . ايستكلرينه جواب وئرسين. او دئدي: بيزخاتمي دولتينده ن ايستيريك كي بورا ييغيلان 200-300 مين انسانين سسين ائشيتسين.

يوسف اؤزسؤزلرينين داواميندا دئدي: من بوردا ايرانين خوزستان خالقينين سيز آذربايجانليلارينان باغليليقلارين وايلگيليكلرين اعلان ائديرم. هابله خاتمي دولتينده ن ايستيرم كي خوزستان خالقينادا گؤز دولانديرسين وايرانين اساسي قانونون  15-19-48 -نجي اصلي لرين اجراء ائتمگين، اساسي قانونو اجراء اتسين.

بابك قالاسينين هنده وري بو ايل، كولتورفستيوالي اولموشدور. بوندان بيله كي هر كيمسه ده قزه ت، اطلاعيه، بابكين شكيلين و. . . گوروردولر، اونلاردان آلارديلار آمما بيرينجي دفعه ايچون، آذربايجانا گؤره اولان  كيتابلار، آذربايجانليلاريازان تاريخلر، ديل شناسليق، آذربايجان جغرافياسي، آذربايجاندا كئچه جاقدان قالان بنالار وعصيرلره گؤره اولان كيتابلار، داستانلار، شعيرلر و . . . اوردا ساتيليردي.

مينلر تورك اولان انسان، اونلارا باش چكيب، اونلاري گؤروب ونئچه سين آلديلار. اوردا چوخودوراوكيتابلاركي فارسجا دا آذربايجانا گؤره يازيلميشدير.

قئيد ائديم: بوايلين بيرينجي گؤنو جماعات چوخ آزگلميشدير. آمما اؤگؤنون آخشام چاغيندان سون گؤنون ناهارچاغيناجان 10 مين ده ن چوخ اتومبيل، بابك قالاسينين هنده وه رينه توپلانميشدير. و 100000ده ن چوخ آداملاري اورا يئتيرميشدير. بوماشينلارين 90% چوخونون نمره لريني پوليس يازيردي. آمما نيه يازيلماسي هله آيدين دئيل وگله- جك گؤستره جك!

 اورا گلنلر، قالا دره سينده ن، بابك هتليندن وشجاع آباد باشيندان قالايا ساري ديرماشيرديلار.مين لر نفر، اؤزون، بابكين 2800مترليك ده اولان بذ يا جمهور داغينين باشينداكي قالاسيناچيخا-چيخا سياسي، تاريخي، ادبي، ايجتماعي، ايقتصادي ديني، ايده ئولوژيك دورومونا گؤره مباحثه آپاريرديلار. هرده ن ده بيرنفر اوخويوردو.

اوردا سياسي چاليشانلارين طرفينده ن چوخ چيخيش اولمادي آمما هامي اساسي قانونون اجرا اولونماسين وآذربايجان وتورك محال لارينين اؤزلريني اداره ائتمك اوچون چوخ اختيار وئريلمه سين ايسته ييرديلر كي بلكه ايله يه بيله لر اؤز ديل، كولتور، تاريخ و ايقتصاد دوروملارينا گؤره تهراندان كنار،‌ ملي وارليقلارين قورويوب و اونو انكشاف ائتسينلر.

 بوايستكلرين بيري گؤنش پارتياسينين پروگرامي- دير. اونون دانيشاني : منوچهر عزيزي بيرچيخيش- داكي يؤزلرنفراونلاري احاطه ائتميشدير. ايران دولتي نين تضييق لري اوچون اعتراض ائديب، دئدي: چون ايران دولتي بيزيم قانون  چرچيوه- سينده اولان ايستكلريميزده ن نگران دير، گؤنش پارتياسينا رسمي چاليشماق اوچون جاواز وئرمير.

 اوخاطيرلادي كي : بوشرايطه گؤره ده، گؤنش پارتياسي مجبوريتده قالاراق ان راديكال اولماق يولون قاباغا آلماغا وآذربايجانليلارين حقوقلاريني الده ائتمك اوچون راديكال حركتلره ال وورسون.

اودئدي: بيزقانون اساسيده اولان ايستكلره چاتماق اوچون بوراديكال دورومو قورومالييق. عزيزي نئچه جوانين پوليسين بير فيلم چكن عسكرينه هجوم آپارماسين ائشيدميشدير وبيليردي كي اونون كامراسين سينديريبلار. اونا اشاره ائديب دئدي: بوامنيت مامورلاري، بو توپراغين اوشاقلاريديلار. اونلار سوچسوزديرلار(‌گناه سيز) ومركزين (تهرانين) حكم لريني اجراء ائديرلر. بيز اوفرمانلارا چوخ شدتله اعتراض ائديريك.

عزيزي اؤز سؤزونون داواميندا دئدي: بومامورلارا هجوم ائتمه يين، چون اونلار مامور اولاراق، معزورديرلار.

بودانيشيقلار، اورايا ييغيشانلارين خوشوناگليب واوزون زامان آلقيشلاديرلار. جوانلارين چوخو اؤزلرينده بابك كلمه سين قيرميزي رنگينن يازميشديرلار. آيري عده ده بابكين شكيلي اولان گئيملري گئيميشديرلر.

بيرآيري گروپ، بؤز قوردون شكيلين گئيميشديرلر وبير-بيرلرينن دانيشاندا بارماقلارينان بؤزقوردون علامتين گؤستريرديرلر. 4-5 يؤز جوان قالايا چيخا-چيخا (( آذربايجان-آذربايجان)) شعيرلرين، اوخويوردولار. سونرا قيشقيريرديلار ((ياشاسين آزادليق)) ((محو اولسون استبداد)) ((قاراباغ بيزيم دير- بيزيم اولاجاق)) ((ياشاسين آذربايجان)) اؤلوم اولسون شؤنيزمه)) وبير پارچا دا يازميشديرلار: ((30ميليون ايران توركونواؤنوتمايين))

3-4 يؤز خياو(مشكين شهر) ين وهندورينده ن اولان جوانلاري، آغ قيرميزي گئييم گئيميشديرلر كي اونلارين اؤستونده يازيلميشدير: (( ياشاسين آذربايجان)). اونلارين هاميسي بيرليكده چيغيريرديرلار: (( عزيز ديليم اؤلن دئييل . . . اؤزگه ديله چؤنن دئييل)).

   اون نفرلر، اونلاردان فيليم چكيرديرلر. فيليم چكنلرين بيرنئچه سي امنيت مامورو وپوليس- ايديلر. اونلاردان بيري بوجوانلارا داها چوخ ياخينلاشدي. اونا دئديلر(( اؤزاق دور))اؤ پوليس دالي چكيلدي. بيرده ن بيره داوا دؤشدو و او مامورون فيليم كاماراسي آياق آلتيندا سيندي.

دئملي ديركي بابكين دوغوم گؤنون عزيزله مه- سين كئچيك ائتمك اوچون ايراندا چوخ پروگراملار وئريلميش كي ايندي اؤستو آچيلير.

اونلاردان بيري بودوركي ايراندا توركو اولان قزه- ت لره، هفته ليك لره و. . . ارشاد اسلامي طرفينده ن بيرمكتوب گليب. اومكتوبدا بيله يازيليب دير:

((مديركل. اوستانلارين ارشاد اداره سينده ن  فارسي فاكس (11-10-9) 11-4-1381

محترم نشر اولان . . . مديري

سلام وسايقي لارينان ((بابكين)) مراسيمينين لاپ يئتيشمه سينه توجه ائدره ك، مطبوعات قانونون 6-جي ماده سينين 4 اونجو بندين گؤزده آلين، او يازيلاردان كي ميلتلري آييراراؤزاقلاشين. بوماده يه گؤره، جماعتده اولان ميلتلرين آراسينا اختلاف سالماق خصوصي ايله نژاد و قومي مسله لر، ياساقدير. كل مديري

بو مكتوب اساسيندا تبريز، اردبيل، اورمو، زنجان و تهراندا ياييلان  قزه ت لرين توپلوموندا بابك عزيزلمه لري، بابكين آنادان دوغوم  هفته سينده هئچ يئرده ياييلمادي.