عمومي بحث اوچون، بيرنئچه سؤز: دموكراسي نه دير؟كئچن مطلبين آردي.

بيزآزادليق ودموكراسي نين چاغيريش سسيني يئركوره سي نين هرطرفيندن ائشيديلديگي بيردؤورده ياشاييريق. . . دونيانين هريئرينده ياييلميش بوحادثه، چاغداش ليبرال دموكراسي نين صرف عايد بيرحادثه اولدوغونو وغيرغرب مدنيتلرده هئچوقت اوغورقازانا بيلميه جگيني تصديق ائدن ايچ اوزونوآچير. ژاپون، ايتاليا وونزئولا كيمي مختلف، لاكين دموكراسيني سيناقدان گئچيرميش دؤولتلرده دموكراتيك قوروملارآزادليق واؤزونو اداره اوچون جهدلرين حياتا گئچيريلمه سيني طلب ائده بيلير. آردي وار. .

     

سؤزآزادليغي:


 

سؤزو واونونلا دوشونجه ني افاده ائتمك آزادليغي هربيردموكراسي نين شاه داماريدير. دانيشيق آپارماق وسس وئرمك (مستقيم وآزادسئچگيلرده اشتراك ائتمك)،‌ توپلاشماق، اعتراض ائتمك، عبادت ائتمك، هامي اوچون اجتماعي عدالت تامين ائتمك-بونلارين هاميسي قونوشمانين،‌ديالوق وبيليكلرين حدسيز-حدود سوزآخينينا اساسلانير.((دموكراسي اوغروندا مبارزه)) باشليقلي تلويزيون وئريليشلري سري سينين ياراديجيسي پتريك اوليسون

 Patrik Olisson قئيدائدير. ((دموكراسي آليشقانليق(اونيست) دير: اؤزعمومي مسئله لري حاقيندا قونوشان واؤزعمومي طالعلريني دوشونن آداملارديرلار. اؤزونو اداره ايله مشغول اولابيلمك اوچون، انسانلاراؤزفكيرلريني افاده ائتمكده آزاد اولماليديلار.)

دموكراتيك اصولدا وطنداشلاربئله بيرعقيده ايله ياشاييرلاركي، دوشونجه ورايلرين آچيق مبادله سي يولوايله حقيقت سون نتيجه ده ساختاكارليغاغالب چيخاجاقدير. باشقالاري نين ديرلري داها ياخشي درك ائديله جكدير. آنلاشما ساحه لري داها آيدين تعيين اولاجاقديروايره ليله مگه يول تاپيلاجاقدير. بئله مبادله لرين نفوذدايره سي نه قدرگنيش اولسا، اوقدرياخشيدير.

اؤزباشينا دؤولتلردن فرقلي اولاراق، دموكراتيك حكومتلريازيلي وشفاهي چيخيشلارينا نه نظارت ائدير، نه اونوديكته ائدير، نه ده اونومحكمه يه چكير. دموكراسي ساوادلي وبيليكلي وطنداشلاردان آسيليدير، چونكي اونلارين گنيش شكيلده بيليكلره ال تاپمالاري، اونلارا اؤزجامعه سي نين اجتماعي حياتيندا، امكان داخلينده، تام اشتراك ائتمه يه فرصت يارادير. جهالت بيگانه ليگه سبب اولور.

دموكراسي، هئچ بيرانگله راستلامايان فكيرلرين، بيليكلرين، رايلرين ودوشونجه لرين آخينينا سؤيكه- نن وطنداشلارين انرژيسي اساسيندا چيچكله نير. بس اوندا كوتله وي تشويقات يايينلاري وباشقاتشكيلاتلارسؤز آزادليغيندان آشيري استفاده ائدرك چوخلوغون دوشونجه سينه اويغون دئييلن سؤزلري قوندارما، ضديتلي، مسئوليتسيز ياساده جه اولاراق اورك بولانديريجي اولدوغوباره ده شايعه- لريايديغي حاللاردا حكومت نه ائتمه ليدير؟ عموميتله بوسئوالين جاوابي يوخدور. ساده جه بئله مسئله لرباره ده فيكيرسؤيله مك حكومتين ايشي دگيل.

اساسا سؤزآزادليغي قايغيسي سؤزآزادليغيندان داها گنيش آنلامدير. غريبه گؤرونسه ده، دموكراسي بيرسيراحاللاردا، سؤزآزادليغي آدينا، سؤزآزادليغينا تاثيرگؤسترن غيردموكراتيك سياست يورودن فرد وتوپلوملارين حقوقلاريني قوروماليدير. دموكراتيك قورولوشدا وطنداشلاربوحقوقلاري اونا گؤره مدافعه ائديرلركي، سؤزودوشونجه آيريليغيني بوغماقدان سا،آچيق دانيشيقلار يولو، بيزي داها اوستون حقيقتلره آپاريب چيخارابيلر.

بوندان علاوه،سؤزآزادليغي مدافعه چيلري دوشونمه لي ديرلركي، بوگون اونون تحقيرائتديگي سؤزآزادليغي صاباح اونودا بوآزادليقدان محروم ائدر.بوفكرين كلاسيك مدافعه چيلريندن بيري انگليس فيلوسوفو جون استوارت ميل دير.

1859-نجي ايلده او اؤزونون ((آزادليق باره سينده)) آدلي اثرينده بوفيكري اساسلانديريركي، سؤزون فشارا اوغراماسيندا بوتون انسانلار ضررائدير. او يازير:

((اگروئريلن راي دوغرودورسا، اوندااوحقيقي اشتباهلادگيشميه يول وئرمز. نتيجه اعتباريله، سؤز آزادليغي آداملارين بيريئره ييغيشماسي ومسالمت شكلينده حكومتين اونلارين شكايتلريني ائشيتمك ايسته يي ايله باغلي بيرحقوقدور. بيريئره ييغيشماق وائشيديلمك حقي اولماينجا سؤزآزادليغي آيريلمازصورتده ناراضيليقلاري بيلديرمك ودگئيشيكليك ايسته مك حقوقي ايله ياخيندان باغليدير. دموكراتيك حكومتين اؤزودور.

امين آمانليغي قوروماق اوچون سياسي ميتنگلرين ونمايشلرين واختني ويئريني قانوني شكيلده تنظيم ائده بيلر. لاكين بوخصوصدا آيري سليقه گؤسترنلرين سسلري نين قاباغيني آلابيلر.

آزادليق واينام:

دين آزادليغي وياداهاگنيش شكيلده، وجدان آزادليغي هرهانسي بيركسين آرزو وايسته يي نين عكسينه اولاراق، اونون هرهانسي باشقا بيردينه وباشقا اينانجا قاپانماسي نين قاباغيني آليب ياساقلاماق دئمكدير. بوندان علاوه، هرهانسي بيركيشي ياقادين بيرديني باشقاسيندان اوستون توتوب، اونوسئچرسه ويااساسا هئچ بيردينه قاپيلميرسا، اونو بوايشدن نه مانع اولوب، نه ده جزالانديرماق اولور.

دموكرات دؤولت هرهانسي بيركسين ديني اينامي نين اونون اؤز شخصي ايشي اولدوغونا قول قويور.

بونونلابيرليكده، دين آزادليغي او دئمكديركي حكومت هئچ بيركسي، بيركليسا. بيرمسجد ويا بيراينانجا قاپينماغا مجبورائده بيلمز. اوشاقلاري ديني مكتبلره گئتمه يه مجبورائتمك اولماز. هئچ بيركيشي وقاديندان اونلارين آرزولاري نين عكسينه اولاراق، ديني ايشلره قاتيلماق، عبادت، اطاعت ائتمك وديني چاليشمالاراباغلي ايش گؤرمه يي طلب ائتمك اولماز.

وطنداشليق: حقوقلارووظيفه لر

دموكراسي بئله بيراصله اساسلانيركي، خلق حكومته خدمت ائتمك اوچون دگيل، حكومت خلقه خدمت ائتمك اوچوندور. باشقا سؤزله دئييلسه،خلق دموكراتيك دؤولتين تبعه سي دگيل، اونون وطنداشيدير. اوراجان كي، دؤولت وطنداشلاري نين حقوقلاريني مدافعه ائدير، وطنداشلار دؤولته صداقت گؤستريرلر. آيري جهتدن استبدادي حاكميتده، دؤولت جمعيتدن آيري اولان بيرقورولوش كيمي اؤزحركتلري اوچون خلقين راضيليغيني الده ائتمكدن اؤترو بوينوناهئچ بيرقارشيقلي گؤره و(وظيفه) گؤتورمه- دن، وطنداشلاردان صداقت وباش انديرمك طلب ائدير.

مثلا، دموكراتيك اصولدا وطنداشلارسس وئرركن، اونلارين آديندان حاكميته كيمين گله جگيني معينلشديرمك اوچون اؤزحقوقلاريني ووظيفه لريني سيناقدان گئچيريرلر. استبدادي حكومتده ايسه، عكسينه، سس وئرمه گئديشي رژيمين اؤزونون اؤنجه دن سئچميش اولدوغو آداملاري آنجاق  قانوني لشديرمگه خدمت ائدير. بئله بيرجمعيتده سس وئرمه وطنداشلارين نه حقوقلاريني، نه ده وظيفه لريني سيناقدان گئچيرمه يي نظره آلير، او، آنجاق حكومتين گويا خلق طرفيندن مدافعه اولدوغونوگؤسترمك اوچون چابالير.

بونونلاهئچده اويغون اولماياراق دموكراتيك رژيمده وطنداشلارحكومتدن آسيلي  اولمايان واؤزلري ايسته ديكلري ياباغلي اولدوقلاري واينانديقلاري تشكيلاتين كانديدلرينه سئچگيده سس وئريرلر وبئله ليكله ده اجتماعي حياتدا آزاداشتراك ائتمك حقوقوندان بهره له نيرلر. عين حالدا، وطن- داشلاربيروظيفه كيمي قبول ائتمه ليديرلركي، بئله اشتراكدا بيرپارا محدوديتلرده شرايطدن آسيلي اولاراق قويولور. بوناگوره ده بوهفته دوشنبه گؤنودونيادا بين الخلق بشرحقوقو گؤنوآد آلميشدير.

اساس بشرحقوقلاري بونلاردير: دين ووجدان آزادليغي، سؤز،دوشونجه وقلم آزادليغي، توپلانتي وبيرليك آزادليغي، قانون قارشيسيندا برابرمدافعه حقوقو، قانوني وعدالتلي محاكمه حقوقو. بو انسان وبشرحقوقلاري نين الدن آلينماز اولدوقلاري حالدا، بيزبوگون بيرچوخ اؤلكه لرده اونلارين خلقردن و انسانلاردان سلب ائديلديگي نين شاهدي اولموشوق.

اينانج آزادليغي وياداها دوغروسو دين ووجدان آزادليغي هربيرانسانين ايسته ك وآرزوسونون عكسينه اولاراق، اونون هرهانسي بووياباشقابير دينه وباشقا بيراينانجا اينانماسي نين قاباغيني آليب اونو ياساقلاماق دئمكدير. بوندان علاوه، هرهانسي بيركيشي ياقادين بيرديني باشقاسيندان اوستون توتوب اونوسئچرسه، ويااساسا هئچ بيردينه قاييلماق ايسته مزسه، اونوبوايشدن نه مانع اولوب، نه ده جزالانديرماق اولور.

دموكرات بيرحكومت هربيركسين ديني اينامي نين اونون اؤزشخصي اولدوغونا قول قويماليدير.بونونلابيرليكده، دين واعتقادآزادليغي او دئمكديركي حكومت هئچ بيركسي، بيركليساني، بيرمسجدي يا بير اينانجي زورلا اينانديرماغا وادار- ائده بيلمز. اوشاقلاري ديني مكتبلره گئتمه يه، ديني مراسيمده اشتراك ائتمه يه مجبور ائتمك اولماز، هئچ بيركيشي وقاديندان اونلارين آرزولاري نين عكسينه اولاراق، ديني ايشلره قاتيلماق، عبادت، اطاعت ائتمك كيمي ايشلري گؤرمك اولماز.

بوتون مسئله لرده مستقيم وآزادسئچگيلردن توتموش تا ان ساده بيريئره توپلاشماق، دانيشيق آپارماق، اعتراض ائتمك، عبادت ائتمك، هامي اوچون اجتماعي عدالت طلب ائتمك بونلارين هاميسي دانيشماغين، ديالوغون، تجربه لروبيليكلرين هرطرفلي مبادله سي ايله باش توتور. دوشونجه ونظريه لرين دانيشيق ونطق يولوويازي ومطبوعات يولوايله اولوراولسون جامعه ده ساختاكارليغا سون قوياجاق واونون دموكراسي وانسان مدني حقوقونا اويغون ياقارشي الدوغونوتعيين ائده جكدير.مسئله- لرده ساحه لرين داهاآچيق وآيدين طرح ائديلمه سي ايره لي ليله مگه يول آچاجاقدير.

اؤزباشينا وزوراكي دؤولتلردن فرقلي اولاراق، دموكراتيك شفاهي و يازيلي چيخيشلارا نه نظارت ائدير ونه ده اونوديكته ائدير ونه ده اونو محكمه يه چكير. دموكراسي ساوادلي وبيليكلي وطنداشلاردان آسيلي دير. وطنداشلارانسان حقوققلارينا داهادريندن تانيش اولدوقلاريناو اونلارا اجتماعي حياتدا، تام حالدا اشتراك ائتمه يه فرصت يارادير.جهالت بيگانه ليك تؤره دير. انسان حقوقلاري فكيرلرين، تجربه لرين، بيليكلرين ودوشونجه لرين آخينينا دايانان وطنداشلارين آييق - ساييقليغينا اساسلانير. وظيفه كيمي،قبول ائتمه- ليديركي، بئله اشتراك محدوديتلرده قويور. موافق مسئله لره باغلي اؤزلريني تربيه ائتمك، اعتراض دورومونداچيخيش ائدنلره مناسبتده،دؤزوملولوك گؤسترمك وراضيلاشما ضروري اولدوقدا توافقا چاتماغي باشارماق.

بونونلابرابر، استبدادي دؤرونده اؤزل گؤنوللو قروپلارآزديرويا هئچ يوخدور. اونلارمسئله لرين مذاكره سينده اشتراك ائدن ويااؤز ايشلريني ايره لي سؤرن فردلره واسطه چيليك خدمتي ائتمير. آنجاق اؤز تبعه لريني تابعيت حاليندا ساخلايان دؤولتين باشقا بيرسلاحي كيمي خدمت ائدير.

دموكراتيك وغيردموكراتيك جمعيتلرده حربي خدمت (سربازليق وظيفه سي) حقوقلارين ووظيفه لرين مختلف، لاكين برابرشكيلده دابان - دابانا ضد نمونه سيني گؤسترير. ايكي مختلف دؤولتين هرايكيسي ده صلح وامن آمانليق دؤورونده اؤز جاوان وطنداشلاريني حربي خدمته(سربازليغا) چاغيرا بيلر.

استبدادي دؤولتده بو وظيفه بورجو، شكسيز- شبهه سيز حياتا گئچيلير. دموكراتيك دؤولتده ايسه، حربي خدمتين دؤوري ائله بيروظيفه ديركي، وطنداشلاراؤزلري سئچديكلري حكومتين چيخارديغي قانونلاراساسيندا وظيفه ني عهده لنميشديلر. صلح وامن - آمانليق زامانيندا حربي خدمت هربيروطنداشين اؤرك ايسته يي ده اولمايابيلر. لاكين دموكراتيك سيستيمده سرباز وطنداش بئله بيراعتقادلا خدمت ائديركي، او اؤز جمعيتي نين آزاد شكيلده قبول ائتديگي وظيفه بورجونويئرينه يئتيرير. بوندان علاوه، دموكراتيك جمعيتين عضولري هاميسي بيرليكده حركت ائتمك وبووظيفه ني دگيشديرمك صلاحيتلري اولدوغو حالدا مثلاآمريكابيرلشميش ايالتلري وبيرسيرا باشقا اؤلكه لرده عمل ائديلديگي كيمي اجباري حربي خدمتي لغو ائتمكله عموم كونوللو اؤردو(داوطلب قوشون) ياراتماغي اجباري قبول ائديرلربيرقدراؤنجه، آلماندا باش وئرديگي كيمي، حربي خدمت دؤورونو دگيشديرمك، ياخود ايسوچده ده اولدوغو كيمي، وطنداشليغين اساس حصه سي اولان كيشيلر اوچون حربي خدمت احتياطي ساخلاماغي جايزساييرلار. . .

بورادا هرفردين اؤزونه شامل اولان حقوقلاريني سيناقدان گئچيرمه سي ده اوحقوقلاري اوزو اوچون وهابئله باشقالاري اوچون قوروماق وگوجلنديرمك وظيفه سيدير. حتي ياخشي قورولموش دموكراسيده بئله، وطنداشلار بعضي حاللاردابوبرابرليگي دؤزگؤن باشا دوشمور. بيرچوخ حاللاردا وظيفه لريندن گؤزاؤرتدوگوحالدا، حقوقلاريندان استفاده ائديرلر.  بووضعيت اؤزلوگونده دموكراسيله دابان - دابانا ضدبيرداورانيش حساب ائديلير.

البته بودوغرودوركي. فردلرسؤز آزادليغي، توپلانتي(اجتماعي) آزادليغي ودين آزادليغي كيمي اساس والدن آلينابيلمز آزادليقلاري سيناقدان گئچيريرلر وبوناگؤره ده همين قانونلار هرجوربينؤوره اساسيندا قورولموش حكومته محدوديتلر قويور، بومعنادا فردي حقوقلارحكومتين وياعؤمرو اوقدرده اوزون اولمايان چوخلوق صلاحيتي نين تحقيرينه قارشي عدالتلي بيراستحكامدير.

لاكين باشقا معنادا، حقوقلاردا فردلر كيمي تجريد اولونموش شكيلده فعاليت گؤسترمير. حقوقلار فردلرين خصوصي مالي دگيل. لاكين حقوقلارجمعيتين باشقاوطنداشلاري همين حقوقلارين موجود اولماسيني قبول ائده نه قدرفعاليت گؤسترير. آمريكا فيلوسوفو سيدني حوققون افاده ائتديكي كيمي، سئچن(راي وئرن) ((اؤزآزادليغي نين اصل حاميسيدير))

بوباخيمدان انسان حقوقلاري وسياسي مقصدلر دموكراسي ده اساس پرنسيب كيمي، اساس انسان حقوقلاريني قوروماق گنيش شكيلده قبول ائديلميشدير. بومسئله اؤزونو بوتون دونيادا يازيلميش اساسي قانونلاردا (آناياسالاردا) عين حالدا بيرلشميش ميلتلر تشكيلاتي نظام نامه سينده هابئله هليسنگي مقاوله نامه سينده اروپادا تهلكه سيزليك وامكداشليق . . . اصولاريني . . . بين الخلق مشاوره لرده اؤز افاده سيني تاپميشدير.

حقوقلارين آيري- آيري مقوله لري آراسيندا اولان فرقلري تعيين ائتمك باشقابيرمسئله دير.سون زامانلارا قدرخصوصا بين الخلق تشكيلاتلارآراسيندا بئله بيرايسته ك واركي اساس انسان حقوقلارينين سيياهه سيني كنيشلنديرسينلر. سؤز، قانون قارشيسيندا برابرمدافعه آزادليقلارينا تحصيل، ايش، هرهانسي بيرآدامين اؤز ميللتينه  يامدنيتينه موافق ياشاييش حقوقلاريني دا علاوه ائتديلر. بونلارين هاميسي ديه رلي تدبيرلردير.

لاكين بئله بيرايستكلرين چوخالماسي انسان اساس حقوققلاري نين معناسيني قيمتدن سالماغا مئيل گؤسترير.بوندان علاوه بوآرتيرمالار اساس حقوقلارين اجراسيني فردلرباره سينده دومان لانديرير حكومتلر سؤزآزادليغي كيمي الدن آلينماسي ممكن اولمايان حقوقلاري اؤز خصوصي حركتلريني محدودد لاشديرماق، اؤزجلوونو چكمك يولوايله ظاهرده مدافعه ائديلر. تحصيلاتا فوند (بودجه) آيرماق، عمومي ساغلامليغا علاقه گوسترمك واشتغالي ضمانت ائتمك، تام وباشقا بيرشئي طلب ائدير:

موافق سياسته وپروگراملارا تكان وئرمگله حكومتين فعال صورتده ايشه قاريشماسي. ساغلامليغا قايغي گؤسترمك وتحصيل امكانلاري هربيراوشاغين آنادان دوغما حقوقي اولماليدير. بو تاسف ائديله جك فاكتديركي بونلارهئچده اؤز ترازيندا اولمور. چونكي بومقصده چاتماق اوغروندا جمعيتلرين امكانلاري اؤلكه دن اؤلكه يه آشكار صورتده فرقله نير.

  

بونا باخماياراق انسانين اوركدن قوپان هربير آرزوسوني قانونا چئويرمكله حكومتلر اجتماعيتده سيناغين آرتماسينا سبك اولور اوبوتون انسان حقوقلارينا اعتناسيزليق آرتيقدان آرتيغا گؤستريلير.