تبريزمطبوعات دادگاهيندا

شمس تبريز روزنامه سي نين استثنا صورتده نشرائديلميش128ساييندا (21فروردين1381) ده وئريلن معلوماتا اساسا علي حامدايماني روزنامه نين مسئول مديري نين 8آي زندانا، 74ضربه  شلاغا وروزنامه نين امتيازي هميشه ليك لغو ائديلمه سي ايله سونوجلاندي.

آيلاردان بري علي حامد ايماني نين عليهينه وئريلن اتهاملارنئچه گون اؤنجه تبريززده قورولموش دادگاههدا قاضي خليل اللهي نين قضاوتي، شهلوي وكامراني نين وكيل مدافع ليگي وهيئات منصفه نين حضوريله تشكيل ائديليب/علي حامد ايماني نين اتهاميني يوخاريدا آدي چكيلن جزالارا جايزساندي.

شمس تبريزروزنامه سي نين يوخاريدا آدي وئريلن ساييندا دادگاهدا آپاريلان مرافعه ومدافعه لركامل صورتده وئريلميشدير.

بوگزارش حضرت علي(ع) بومدرك سؤزلري ايله باشلايير:

ايلاهي، دعا ائتميرم كي، خطرلردن قورونام، بلكه دعا ائديرم كي اونلارلاقورخمادان اؤز  اؤزه دورام.

ايلاهي، رجا ائتميرم كي، دردلردن نجات تاپيم، بلكه ائله بيراورك ودايانيش ايستيرم كي اونلارا غالب گليم.

ايلاهي، قورخو، يااشتياق خاطره قورتولوش ايسته- ميرم. بلكه ائله بيردؤزوم وقدرته ايمان بسله ييرم كه منيم آزادليغيمي تامين ائتسين.

ايلاهي منه توفيق عطا ائت اوقدرقورخان اولماييم كي موفقيتي اؤزومه ترحمده گؤروم، بلكه اينانيم كي سنين عنايت سيزليگين منيم مغلوب اولماغيمدا مؤثردير. حضرت علي (ع)

باش مقاله، علي حامد ايماني نين اؤزقلمي ايله:

نشريه واصولاهنري ايشلربيرملت اوچون اساس هويت وحيات شرفي ساييلير وبويولاقدم قويان هرآدامين شرفي اوملتين وجامعه نين شرفي ايله باغليدير. بيرآدام آزجا عاغيللي اولسا بئله دوشونه بيلركي بيرملتين حيثيتيني ساتماق اولماز واگربيرپارا آداملار بوايشه ال آتيبلار واؤزلريني ساتماقلا بيرميلتي ساتماق ايسته ييبلر، اوخائنلرديركي، تاريخين لعنتي اونلارين آردينجا اولاجاق.

بيزدفعه لرله دئميشيك كي، نشريه آيري - آيري گؤروش وفكيرلري اولان عموم خلقين دير واؤزوموزوآذربايجان خلقي نين آرمانلاري يولوندا سانيريق واؤزحرفه ميزه بيرجدي مسئوليت كيمي ياناشيريق كي جامعه بيزيم عهده ميزه قويوب وهئچ زمان خلقين ومملكتين آرمانلارينا خيانتي ذهنيميزه يول وئرميريك. وبيزيم بوتون دئديكلريميز وايسته ديكلريميز قانون اساسي وجمهوري اسلامي چارچوبوندادير. چونكي بيزيم تاريخه اعتقاديميز وار.

بيرعده نين تاريخه اعتقادلاري يوخدوروهرشئيي ائله بوگونده گؤرورلر. لاكين بيرعده نين تاريخه اعتقادي وار وگله جگه اينانيرلارواوندان يامان چكينيرلر. چون اينانيرلاركي بوگون ائله بوگؤندور. بوگؤنون عؤمرو نهايتده بيرانسان عؤمرو اوزونلوقدا اولابيلمز. بوآداملار ابديته باغلانيرلار وابديته باغلاندينسا اوندان آيريلييب بوگونه فيكرلشه بيلمزسن. بوگون اؤز آنلاميني ايتيرير. بوگون شايد نئچه جوت گؤز سنين عمللريني گؤرسونلر. آمما گله جكده بيرنسلين بلكه ده بشريتين گؤزلري سنين باره نده قضاوت ائده- جكلر. اودا بيرقرن، ايكي قرن يوخ بلكه ابديت اوچون واگر انسان بئله فيكرلشه، بوگون بوتون مصيبتلريله بيرلحظه ده آدامين سوراتينا توخونان بيرچيتمه يه اوخشار. بوچيتمه ك اوزي قيزارديب، اونو جيزا بيلر وياحتي سني اوتراق دا ائده بيلر ولي آياقدان سالا بيلمز.

اگرتاريخه قوشولدون، باشا دوش كي ابديته ال تاپدين وبئله ليگله يارامازكي انسان لعنت وقارقيش دوغوران بيرعمله ال آتا وبوگون بيزبوتون سهولر وبيلمزليكلريميزله دوشونوروك كي بيرگون سونرادان گلنلرين قضاوتيله اوز به اوز اولاجاغيق. بيزيم بوگونله ايشيميز يوخدور اونو اوكيمسه لره تاپشيرميشيق كي نقدونسيه آردينجاديلار. بيزكي، حالوا دالينجا دگيليك قوي اونلار اوحالوا ايله آغيزلاريني شيرين ائتسينلر. حالوانين شيريني اولارين آغزيندان گئدنده خاطره لري ده اوركلردن سيلينه- جك وان يوخاريسي بيرحمد سوره اونلارين دالينجا اوخوناجاق وسونرا هرشئي قورتاراجاق.

اوچراغ كيمين كي يانماميش سؤنور وايشيق ساچماميش كؤزه رير وتاريخ جاده سينده بوكؤزه- رن چراغلارا يوخ، بلكه بوجاده ني ايشيقلانديرماق اوچون بؤيوك توربينلر يولاسالمالي وگله جگي چيلچيراقلارلا ايشيقلانديرمالي تابويولون يولچولاري بوچيلچراقلارين ايشيغيندا يول آراسينلار. نه اينكي خاطره لري حالوانين شيرينليگي گئدن كيمي يوخا چيخسين.

اگربوگون بيزدادگاهدا محاكمه اولونوروق اوناگؤره دگيل كي آياغيميزي كليميميزدن چوخ اوزاتميشيق. بلكه اوناگؤره ديركي بوكليم اوقدرقيساديركي اگربيري ايسته سه آياغين اوزاتسين آياغي كليمدن ائشيكه دوشه جك وايندييه قدرعادت بونا ايدي كي، آداملار، بوكيمي دوروملاردا چاليشيرديلاركليمي اوزاتماق يئرينه آياقلاريني قيسالتسينلار وماراقلي بوراسيديركي آياغيميزين آلتينداكي كليم نه اينكه اوزانميربلكه تاسفلرله هرگون سويا دوشنده داهاداقيسالير. 

ياشاديغيميزمنطقه ده هم آياغيميزي اوزاتماق ايسته ديگيميزكليم قيسادير وهم آلتيندا ياشاديغييميز سقف آلچاق. بورادابيرچوخ اولاسيلار، اولماياسي، اويغون عادتلر، اويغونسوز ودگرلرضد دگردير. تهراندا گؤره بيلينه جك ايشين بوردا گؤرونمه سي ياساقدير. بورادا سقفين قيرميزي خطي هريئردن آلچاق ديروبيزي بئله اؤيره ديبلركي سقفي اوجالتماق يئرينه باشيميزي ائيه ك وبوگون بيزيم گناهيميزبودوركي، بوينوموزو ائيمه ميشيك، بلكه باشيميزي قووزاميشيق سينيق باشي بركدن گوپسه ميشيك بوسقفه .

ياشايشين ياتاغي تبريزده دوغرودان دوغرويا بالاجا قاراباليغين اوزدوگو نازك ارخه بنزير. تبريززده ياشايش او دورغون سويا بنزركي ايللرديريئردن تكان يئمه ييببب.

ياشاماق تبريزده ائله دورغونلاييب كي ائله بيل اوتراق اولوب وحركتدن قاليب واگر گؤزلريميزي آچيب او اوزاقلارا،‌ افقه باخاق اوندا گؤره جه- ييك كي هاميميز اوباليقق كيمي سوييغينندا كرالانميشيك ومدام اورادا چيرپينيريق وبوآرادا نه گؤزل بيررابطه وار اورادا سو دورغوندور وبورادا ياشاماق يئرينده سويون آخار يولوداريسقالدي، اوبيريسينده ياشاماغين. بيرينده سو دالغالانمير واوبيرينده ياشاماق دالغالانمير وهئچ بيراميد دوغورمور. هرايكيسي داياز وسقفي آلچاق ديرلار. هرايكي سينين توتاري آزدير.

 اگرايسته ين تبريزده آزجا فكرينه قاناد وئره سن  فورا اوبيرسيلرين فكرلري ايله توققوشور. تبريزده ايشين ياتاغي دا دؤزياشاماق كيميدير. داريسقال، گئچيدسيز وقارانليق دير، هرنه قدر ال- آياق چالاسان وچاباليياسان باتلاق كيمي داها درينه جومارسان وداها چوخ دالا قالارسان.

بوشهرده دوشونجه لرين دورومو اوقدر آلچاقديركي ديوارين بوطرفيندن اوطرفينه بويلانا بيلر. واگر ايسته سن اونلارين هوندورلوگونو چوخالداسان وبوزينه آرخي درياياچئويرسن يالنيز گرگ حركت ائده سن وبوگون بيزبوحركتين گناهينا محاكمه اولوروق.

 بوگون بيرچوخ دوستلاروتانيشلاربيزه نصيحت ائديرلركه بونون - اونون يانينا گئدك وگؤردوگوموز ايشدن پئشمان اولدوغوموزو بيلديرك.

البته بيزبوادعاداييق كي اشتباه ائتمه ميشيك ونئجه دئميشلريالنيز يازيلماميش ديكته نين غلطي اولابيلمز بيروقت اگر ايستميه سن بوحدده بيرايش گؤره سن، اؤزوده بوش الينن اشتباها قاپيلماق امكاني دا وار ولي بحث بوراسينداديركي، بوكيمي دوشونجه لر بيزه دئيير بوينونو اگ وبوهمان يولدوكي بوكيمي آداملار بيزله اولدوقدا چتينليك ياراديرلار.

بويونلارين بيرچوخو اولدوقجا نازك ديرلر. فورا سينيرلار واونلاري سينديرماق زور ايسته مير. لاكين بونلارسينيرسالاردا ائيلميللر. بيزبواؤلكه نين اوشاقلارينا اؤيرتمه لييك نئجه باشارا بيليرلر بويونلاريني دوزساخلاسينلار. بوينو ائيمك اونوساخلاماق خاطره هميشه ان ياخشي يول دگيل. بلكه آيري يوللاردوشونولمه ليدير. وبوگون وئره- جاغيميز تاوان بو يولودوغرولتماق اوچوندور. بيز اگر آياغييميزي قاباقكي آياق يئرلرينه قويسايديق، اولابيلرهئچ بيرخطرله اوزلشمه دن هرشئيه چاتاق. ولي بيزاوشئيلرين هاميسيندان گؤز اؤرتدوك تابو يولوبلكه دوغرولدا بيلك. اگر بوگون بيزيم باشيميز سينيرسادا بوكاذب سقف ده سيندي.

البته بومنطقه ده سقفين آشاغا اولماسي سياسي شرايطدن قيراخ آيري - آيري دؤورانلاردا اورادان باش توتوركي محيط نه قدركيچيك اولورسا، دوشونجه لر اورادا حصاردا قالير وانكشاف ائتمير.   رسملر وعادتلر ال- آياغا دولاشير. چيرپينتيلار چوخ وفيكيرلر قيسا اولور. دگيشمه لرين سرعتي آز اولور. ساعاتين عقربه لري چتينليكله قاباغا يورويور.

بوتون عكسينه اولاراق محيط آچيق اولونجا دوشونجه لرين افقلري گنيشله شير ياشاييش واونون حركتلري سرعتله نيرلر. محيط كيچيك اولونجا  اونون سقفي آلچاق وآياق آلتي كليمي ده قيسا اولور.

بيزيم گناهيميز اوندان عبارتديركي، چاليشميشيق بوآخيني دگيشك وبو دوزاولمايان وسليقه يه عايد توققوشمالارسبب اولوب كي، باشين قووزايانين باشي سينسين وبوندان ساريديركي،‌ كيمسه ايسته مير  (حاضراولمور)  بو اؤلكه ده بيرايش گؤرسون. چون اونون قورتاراجاغي معلومدور وبيز بوگون اوقورتاراجاغين نتيجه سي نين شاهدي كيمي محاكمه اولوروق.

بيزبئله دوشونوروك كي، بومحكمه بير تك آدامين محاكمه سي يوخ، بلكه بيردوشونجه نين محاكمه سيديركي بوگون آذربايجاندا باش وئرير وبوگون بودوشونجه محكمه يه چكيلير. ولي تاسفلر اولسون كي بيرچوخلاري بيلمك ايسته ميرلركي دوشونجه ني محاكمه ائتمك اولماز.

اونو نه دارا چكمك اولار ونه زندانا سالماق اولار.چونكي دوشونجه لر زنجيرده ومحاصره ده اولونجا آرتيق جاسينا بوي آتيرلار. دوشونجه ني آرادان آپارماق اوچون اونا دوشونجه ايله جواب وئريلمه لي وچاره آرانيلماليدي.

بيزيم گناهيميزبودوركي اؤزكيمليگيميزدن وبو اؤلكه نين انسانلاري نين وارليغيندان دفاع ائتميشيك. حال بوكي بيرچوخ مطبوعات جوربه جوريوللارلا غرب فرهنگي ني يايير وحمايه اولوب آلقيشلانيرلار وبوآرا دا بيز آذربايجان فرهنگي نين كه ايران فرهنگي نين بيربولوموساييلير ترويج ائدينجه مختلف تهمتلره معروض قاليريق. دونيانين هاراسيندا انسان اؤز دوغما فرهنگيندن مدافعه ائتمك جرم ساييلير؟ . .

بيزبواؤلكه نين ائولادلاري نين كيمليگيندن دفاع ائتميشيك وايندي بوگناه اوچون محاكمه اولونوروق. بيزيم مسئوللارلا اختلافيميز بير اساسلي وائوييخاسي دگيل. بلكه بواختلاف سليقه يه عايد بيراختلاف ديركي هرائوده مومكوندور باش وئرسين وبيز هاميليقجا بيرجهتده، بيرهدفده، بير اورتاق مسئوليت داشيماقدا وبواؤلكه نين اعتبار وبقاسيني قوروماقدا آديملاييريق ونه ناجوانمرد ديلر اونلاركي چاليشيرلار وبوسليقه آيريليغيني آيري يئرلره نسبت وئرسينلر.

بوگون هامي آييليب وبيليرلركي آسانليقلا اونلاري توولاماق اولماز. اجتماع وخصوصيله جوانلار آييلميشلارو داها اونلارا گئييم ياقارين مهم دگيل بلكه اصلي سرمايه كيمليك وايتگين هويتلريني تاپماقدير. البته بواولاسيديركي بعضيلر بيرپارا تهمتلراورتايا آتماقلا توپلومون بير قسمت دوشونجه سيني يايينديرسينلار، ولي اونلار بيلمه- ليديرلركي هاميني هميشه آلداتماق اولماز. بيزيم بوكيمي تهمتلرين قارشيسيندا دوشونجه ميز بودوركي ياينلمايان، اميدسيزلشمه يك وديل يارالاريندان، تهليك لردن شاشماياق.

بيزكي بوتون باجاريق وسرمايه ميز قلمدير وداياغيميزخلقين اينامي واعتقادي، يعني صداقتين ان گؤوه نيلن جهتي اولا بيلسين اشتباه ائدك، لاكين هئچوقت آياغيميزي حقيقتدن اويانا قويماميشيق. اشتباه ويانيلماق بئلنچي بيرشئيديركي انسان اونا دفعه لرده قاپيلسين.

 ديري آدام يانيلير ويالنيز اؤلولر اشتباهدان قيراخديرلار. ديري آدام اونداكي بيروظيفه ني وايشي بوينونا آليرومسئوليت يوكو آلتينا گيرير، اونون يانيلماسي چاره سيزدير.

بيزبئله بيرادعادا دگيليك كه بوگونه قدرياخشي ايش گوسترميشيك ولي شوكورلر اولسون كي باشقالاري نين يولونا آدديم باسماميشيق واونلارين ماتركينه (ميراث) ال آتماميشيق. بيز بيرآينا كيمي اؤزصداقتيميزين قوربانيسي اولدوق . . . بيرآينا تكجه اؤز ايسته ديكلري تصويرلري گؤستره بيلمز آينا آينادير دوست اولا، دشمن اولا اونو اولدوغوكيمي گؤسترير. بيز نه قدر زجرچكديك تا باشارا بيلديك جامعه دن بيرتصوير گؤسترك اوجوركي واردي، نه اوجوركي بيزايسته ييريك يا بينميريك وايندي ده اوصداقتيميزين قوربانيسي اولدوق. بيزيم عيبيميز اوراسسينداديركي، نئچه نفرميزدالسيندا اوتورانين سؤزچوسواولماييب بلكه او آداملارين نماينده سي ايديك كي، بوجامعه ده ايتيب باتيبلار واؤز دوشونجه لريني گؤرمگله آينالاري يوخدور وبيزبونلارين آيناسي ايديق وزوالليلار نه قدرخوشلانيرديلار بوآينادا واونون سينماسيندان قورخوردولار.

 * * *

بيز بيرايلدن چوخدوركه قضائي ارگانلاردا نشريه يه قارشي پرونده دوزه ديلمه سيني بيليرديك ولي هميشه سكوت ائديرديك تا گؤسترك كي بيزينن فرقلي فيكرلري اولانلاري محكوم ائتمك يئرسيزدير.

لاكين تاسفلرله بوامكانسيز اولدو وايندي ده مدتلر قاباقدان نشريه نين عليهينه گئدن دسيسه- لردن باخبريك بودفعه داها ساكت قالماق ايسته- ميريك اگر شرايط امكان وئريرسه بودسيسه- لرحاقدا سيزله قونوشاجاغيق.