حيوانلارلا ايلگيلي مثل لردن:

دوه توتدودو
تؤلكو قاچيردي بيرنفردئدي:
-نه اولوبدور نييه قاچيرسان؟
تؤلكو دئدي:
-دوه لري توتورلار.
دئدي:
- سن كي دوه ده ييلسن.
دئدي:
من گليب ثابت ائدينجه كي من دوه ده ئيلم، ده ريمي بوغازيمدان فيرغ چيخاردالار.

بيلديريش
شمس تبريز قزه ته سيني استثنا صورتده نشرائديلميش 128-نجي ساييندا (21فروردين 1381) ده وئريلن معلومات اساسيندا علي حامد ايماني قزه ته نين مسئول مديري نين سككيز آي زندانا 24 ضربه شالاغا و قزه ته نين امتيازي لغو ائديلمه سيله سونوجلاندي!
آيلاردان بري علي حامد ايماني نين عليهينه وئريلن اتهاملار نئچه گؤن اؤنجه تبريزده قورولموش محكمه ده قاضي خليل- اللهي قضايي ليگي
اميرعلي شهلوي وكامراني نين وكيل مدافعليگي و هئيت منصفه نين حضوري ايله تشكيل تاپيليب، علي حامد ايماني نين اتهاميني آلتي موردده آدي چكيلن جزالاراجايزساندي!
شمس تبريز قزه ته سينين يوخاريدا آدي قيد اولان ساييندا محكمه ده آپاران مرافعه(دعوا) ومدافعه لر كامل صورتده وئريلميش دير وبو روزنامه ده وئريلن دفاعياتي واونون باشيندا علي حامد ايماني نين  قزه ته نين  مسئول مديري كيمي يازديغي ديرلي آراشديرماني گلن سايميزداگؤون ايله درج ائده جه ييك وبيله بير دفاعيه نين آذربايجان يوردو وخلقينده ن مدافعه ني  علي حامد ايماني نين  افتخاري سانيريق ! بوواسطه ايله اؤز اعتراضيميزي بيله بيرعدالتسيزليگلر قارشسيندا بيلديريريك!!

وارليغين سسي نين يازيچيلار هئيتي

 

منيم ده اويناماغيم گلير!
بير ائششه ك ايله بير دوه فوقو العاده آريق اولدوقلارينا گؤره صاحابلاري آپاريب بير چؤله اؤتوذموشدو. بو دوه ايله ائششه ك اوتلو، سولو بير دره تاپيپ يئييب، كؤكه ليب كئف ائلييرديلر. بيرگون اوزاخدان بير كروان كئچيردي. اولاغ دئدي منيم اوخوماغيم گلير. دوه دئدي:
-يوخ ها... آمانين بير گونودور. اوخويارسان سسيني كروان آداملاري ائشيده رگليب ايكيميزي ده آپاريب يوك چاتيب ايشله درلر. اولاغ دئدي: منيم اوخوماغيم گلير اؤزومو ساخليا بيلميرم.
ائششه ك بونو دئييب آنقيرماغا باشلادي. كروان آداملاري اولاغين سسين ائشيتديكده، تؤكولوب گليب هر ايكيسيني توتوب يوكلويره ك يولا دوشدولر.
آمما ائششه ك چوخدان ايدي ايشله مه ميشدي وخام ايدي بيرآز گئتديكدن سونرا آياقلاري توتولدو، گئده بيلمدي. او آداملار بيليرديلر كي بوايش خامليق نتيجه سينده دياونو بوشلاماق ايسته ديلر. دوه ني خيخلاديب ائششه گي قويدولار ده وه نين يوكونون آراسينا. دوه آجيغيندان داها بيلميردي نئيله سين. گليب بير يارلاغانين (اوچورومون) يانيندان كئچركن دوه دئدي ايندي ده منيم اويناماغيم گلير.
ائششه ك دئدي: يوخ ها...! آمان گونودور اوينارسان من دؤشره م دره يه اؤلره م.
ده وه دئدي:
-ياديندادير اورادا من هرنه دئديم كي اوخوما دئدين يوخ اوخوماغيم گلير...؟ دئدين اؤزومو ساخليا بيلميرم؟ ايندي ده منيم اويناماغيم گلير، اؤزومو ساخليا بيلميرم! بونو دئييب بير آتيليب دوشدوكده اولاغي اوستوندن يارلاغاندان آشاغي بوراخدي.

آتالار سؤزلريندن نمونه لر:
آختاران تاپار.
آدامين آلنينا هر نه يازيليب، اودا اولاجاق.
آت اؤلر ميدان قالار، ايگيت اؤلر آد-سان قالار.
آدين قويدون  ده گيرمانچي چاغير گلسين ده ن
كوراوغلو.
آت مينه نين تانييار.
آجا مئييت حلال دي.
آتيني ساتان نوختا آلانماز.
آج آدام داشي دا  يئيه ر.
آج دئيه ر من دويمارام، توخ دئيه ر من آجمارام.
آجين توخدان خبري اولماز.
آخا آخا سئل اولار، داما- داما گؤل اولار.
آختاران تاپار.
 آنادان عزيز بيرده آنادير.
آيدان ايشيق ، سودان دورو.
آدام گئده ر آد قالار.