گونئي آذربايجانين فرهنگي،اجتماعي واقتصادي دورومو ايله مختصر تانيشليق.

تبريز: انصافعلي هدايت

مطبوعات فستيوالي، اورميه ده:

ايرانداكي گؤنئي آذربايجان شهرلرينده ياييلان 53 فقره نشرياتين فستيوالي 1380-نجي گؤنش ايلي بهمن آيينين 24  ايندن 30 قدر باتي (غربي) آذربايجانين مركزي ساييلان اورمو شهرينده كئچيريلدي. تبريز ده ياييلان(( شمس تبريزي)) و((احرار)) طرفيندن كيمسه بو فستيوالدا اشتراك ائتمه ميشلرنيه كي احرارين يايينماسي ايران محكمه لري طرفيندن ياساق اولوب وشمس تبريزي نين ده محكمه سي داوام ائتمكده ايدي.

بونو دئمك اولاركي آذربايجان ميللتي آرتيق قزت وسايرنشرياتا ماراق گؤسترمكده دير، اله بوگون كئچيك شهرلرده ده قزت چيخير او جمله ده ن زنگانين خدابنده شهرينده((مردم خدابنده)) آدلي قزت باتي آذربايجانين سلدوز(نقده) شهرينده ((سلدوز))و ((پيام سلدوز)) ماكي(ماكو) شهرينده ((آواي ماكو)) خوي شهرينده ((خوي)) ،ساوجي بولاغ ((ماهاباد))، اردبيل اوستانيندا سككيز فقره- ده ن آلتي فقره چيخير وايكي فقره نشر اولونمور، دوغو(شرقي) آذربايجاندا بير ايكي قزه ته تبريزده ن آيري شهرلرده آز سايي ايله نشر  اولونماقدادير.تاسف اولسون كي ياشاديغيمز عصيرده آذربايجان مطبوعاتي جانسيز وضعيف دير نيه كي 53 فقره نشريه نين، باسينتي سايي، تهرانداكي قزه ته لرين ان ضعيفيندن ده ضعيف دير، آذربايجان گؤنده ليكلرينين تيراژي ايكي مينه چاتمير، آشيري(دوره اي) چيخان نشرياتين سايي قات- قات آشاغي دير. ياشاديغميز عصيرده گؤنئي آذربايجان مطبوعاتي جانسيزوضعيف ديرنيه كي53فقره نشريه نين، باسينتي سايي، تهرانداكي قزه ته لرين ان ضعيفينده ن ده ضعيف دير.   

خاطيرلاماق اولاركي مشروطه دووروآذربايجاندا چيخان قزت لرين كيفيتي وسايي ايراندا بيرينجي يئر توتوردوعلاوه بوندان بو 53 فقره قزه ته نين 90% فايضي نين دولغونلوقو(مندرجه سي) آزدير و بوگرچك مطبوعات خادملرينه ده آيدين دير اله جه ده بوخسته ليگه چاره دؤشمونمك ده ديرلر. عموميتله اؤزلرينه استراتژي ومعين تاكيتك اؤزاق وياخين مدتلي آماج سئچميرلر، جامعه نين گئري قالماسي نين سبب لرين آراشديريب واونا اويغون يوللار تاپماقدان عاجزديرلر، جمهوريتدن، آزادليقدان، مدني جامعه د ن بيري بيري ايله دانيشاراق بوتون فكيرلري تحمل ائتمك دن يازيرلار. علمي تعريف يااجتماعي بيلگي لرله بيگانه ليق وار هابله كئچه جگين اسارتينه معروض قالاراق، گون مسئله لرينده ده ايرلي گئديلمير.بو دورد اوستاندا چيخان قزه تلر ايكي ديلده چيخير، تبريز واردبيل اوستانلاريندا نشريات خاديملري نين  دولت مسئوللاريندان اؤزلليكله (خصوصي ايله) فرهنگ وارشاد اورگانلاري ايله راضيلاشانميرلار نيه كي بو اورگانلار آذربايجان توركجه سينين قاباغين آلماق ايستيرلر. عكسينده زنگان وباتي (غربي) آذربايجان نشرياتينين خادملري دولتدن راضي قالاراق و دولت طرفيندن آرتيق باسقي وتضييقه معروض قالميرلار. زنگاندا دؤرد قزه ت باسيلير ودؤرد قازه ت ده 1380- نجي گؤنش ايلي نين ايكينجي يارسيندا امتيازين آليبلارآمما بوگونه قدر هله گؤن اؤزو گؤرمه ييبلر وبلليكله 21 قزه ته نين نشر اولونما امتيازي نووبه ده دير.

دوغو آذربايجاندا 80 داياخين قزه ت و درگي امتيازي دولتدن ايسته لينميشديرو بو نشرياتين بعضي سي 8 ايله ياخين ديركي اجازه آلابيلمه ييبلر، بونلارلا علاقه دا، بعضي ميللت وكيللري اؤز موقعيت لريندن يارالاياراق بيرايل ايچرسينده قزه ت نشري نين اجازه سين الده ائتميشلر. باتي آذربايجاندا 19 فقره اجازه لي نشريات دان 16 سي حال حاضيرداچيخير وبوندان باشقا ايكي يوز(200) فقره نشريه نين امتيازي بو اوستاندا اهالي وهمچنين دؤلتي اورگانلار طرفيندن ايسته نيلميشدير وبوگونه ده ك 41 فقره سي نين قانوني ايشلري اورميه ده بيتيب، سون تصميم ايچون تهرانا گؤندريليب و159 فقره سي هله ده نووبه ده دير! بونودا قيد ائتمك ايسترديك كي بوفستيوال آذربايجان مطبوعاتي نين ايكينجي فستيوالي آدلانير، بيرينجي نووبه- سي اوچ ايل اؤنجه تبريز ده برپا اولونموشدور اوفستيوال دا ايرانين باشقا يئرلريندن ده ايشتراك ائتميشلر!

اجتماعي واقتصادي دورم:

رسمي آمارلارا گؤره دوغو آذربايجاندا 98782 نفر ايشچي ايش كرخانالاريندا چاليشيرلار 1373-نجي گؤنش ايلي اونلارين 52101 نفري آلتي  ايشچي- ده ن آزايش يئرلرينده چاليشيرديرلار كي اؤتن آيلاردا پارلمنت ده وئريلن قرارا گؤره بو ايشچيلر بيمه حاققيندان محروم اولماقلا اونلارين عائله لري آغير دوروما معروض قالميشلار.يئني آراشديرمالار بيله گؤستريركي يوخسوللوق(فقر) 1378-نجي ايل آذربايجان شهرلرينده 100 مين تومن وكندلرده 73 مين تومن گؤسترير. اؤرنگ اولاراق 5 نفرعائله سي اولان حدودا(80/4) يعني 100 مين تومن گلير ايچرسينده يالنيز 2200 كالري يئمك(انرژي) تامين ائدسين وعائله عضولري گئييم وباشقا احتياجاتلاري ايچون آغيرشرايط ده ياشاماق مجبوريتينده قالسين. هله بو گرگين دوروم آذربايجان كندلرينده 73 تومن گؤستريلير.

آنجاق اورتاق آمارلاري نظره آليب يكونلاشديراراق، نسبي يوخسوللوق آذربايجان شهرلرينده 53 تومن وكندلرينده 46 مين تومن بيرآيداحساب ائديلير. اله بوآمارلارا اؤتري بيله باخيشلا 1378-نجي ايلين قيمت لرين توتوشدورانداايرانين باشقا شهرلرينده 1378-نجي- ايلده 85 مين كندلرينده 56 مين گؤزه چارپماقدادير، بوميزان آذربايجاندا، شهرلرده 60500 تومن وكندلرده 52مين تومن دير، يعني آذربايجان شهرلرينده 24500 تومن وكندلرينده 4مين تومن ايرانين باشقا يئرلريندن آشاغي دير. خاطيرلاماق اولاركي گؤنئي آذربايجانين باشقا شهرلروكندلرينده بو دوروم تبريز اوستانيندان داها دا آشاغي يئرتوتماقدادير.. تاسف ايله اقتصادين وهابله عايله معيشتلرينين آغير شرايطي سبب اولموش كي بيرعده وطنداشلاريميز، اؤزه لليكله 20-34 ياشلاريندا اولانلار اؤز بويره كلرين(كليه لرين) بيرميليون تومن قارشيسيندا ساتماق مجبوريتينده قالسينلار، اله جه ده بو كئچن آلتي ايلده 643 نفر يالنيز تبريزده بوآجينتي ودؤزولمز ايشه ال وورموشلار!

آذربايجاندا جذام خستليگي اوستون اولماقا گؤره بونودا قئيد ائتمك لازم ديركي، ترتيب ايله كوردوستان ،آذربايجان، گيلان ، مازندران وخراسان اوستانلاري ايرانين جذام كمربندي آدلانيرلار، هر1..نفرجذام توتان انسانلار بيله معين لشميشدير: آذربايجان 66نفر، اصفهان  10 نفر، كرمان 14 نفر، شيراز(فارسدا) 146جذامي واردير بوتون ايرانين گؤنئي يعني يزديدن، عمان دنيزينه ده ك توپلوم 600 نفريالنيز آذربايجانين اهرشهرينده  1275 جذام خسته ليگينه دچار اولان انسان واردير! دوغو آذربايجاندا 13مين ده ن چوخ توخوجو(نساجي) يئييم(تغذيه) كارگاهلاري واردير 1374- نجي ايلده 809 بؤيوك كرخانا واريدي و 1378 ده 824 يه قدر چوخالميشدير وايشچيلرين سايي 40253 نفردن 44154 نفره آرتيب، بوزامان ايچرسينده كرخانالارين چوخالماسي آذربايجاندا 1/9 فايضي و اؤلكه نين آيري- آيري يئرلرينده كرخانالارين چوخالماسي9/8  فايضي گؤسترمكده دير، بلليكله آذربايجاندا صنعت ايشينده اؤزونه گؤره سرمايه اؤدنمير!

كئچن آيلاردا 43 نفر گؤنئي آذربايجانين ميللت وكيللري بيرآرايا توپلانماقلا آذربايجان اوستانلارينين والي لري يئرلي اولماقلاري حاقيندا قرار آليب ودوولت قارشيسيندا بوايستگي حياتا كئچيرديلر. بلليكله محمدعلي سبحان اللهي دوغوآذربايجانا تبريزده ن و جمشيد انصاري باتي آذربايجانا اورميه ده ن سئچيلديرلر. آيدين ديركي آذربايجاندا اؤزه لليكله دوغو آذربايجانين اداره  يئرلرينين 90 فايض- دان چوخو يئرلي اهاليده ن اولماييب باشقا يئرلرده ن گليب خلق ايچون چاليشمادان بير قوناق ده ك يييب گئدميشلر. بويانليش سياستلره گؤره دوغو آذربايجانين كند وشهرلرينده ن مينلر نفرباشقا اوستانلارا اؤزه لليكله تهرانا كؤچمك مجبوريتينده قالميشلارونئچه ايلدن سونرا دوغوآذربايجانين اهالي- سي چوخالمادان بلكه ده 1/23  منفي رشد ائديب و اواهالينين سايي كئچميش ايلدن 30 مين ده ن چوخ آزالميشدير.

تبريزين ميللت وكيلي اكبر اعلمي، بوفاكتوري گؤرمكله، كئچن ايل اؤزاعتراضين بودجه آييرماق حققينده دوولت مسئوللارينا بيلديريب وهابله دوولتدن وباشقا ميللت وكيللريندن ايسته ييب كي بودجه يازاركن مهاجرت مسئله لري آرتيق نظره آلينسين. اعلمي نين دئديگينه گؤره آذربايجان ميللتي چاليشان بير ميللت دير وايش بولاماق ايچون ايرانين آيري يئرلرينه كؤچمك مجبوريتينده قالير وبو كؤچمه لر سبب اولوركي،آذربايجاندا ايشسيزلرين سايي ايرانين باشقا يئرلرينده ن آزگؤزه چاپسين. دمك اولاركي ايراندا ايشسيزلرين سايي 7 فايضدان- 25 فايضا قدردير، ان آزي اولان دوغو آذربايجان دير. بويانليش سياستلر وگرگينليكلر سبب اولموش انقلابدان بوگؤنه ده ك اونمليي سرمايه آذربايجاندا ايشه دؤشمه سين.

مراغانين ميللت وكيلي سيدمصطفي سيدهاشمي تبريزين يئني والي سي سبحان اللهيي نين تانيديرما مراسمينده خاطيرلاميشديركي:
بو اوستانين اهالي- سي عمرانليق اعتبارينين سهميه سينين آزاولماقيندان راضي لاشميرلار، اونوندئديگينه گؤره
1370-نجي ايلينده دوغوآذربايجانين آبادانليق اعتباري5/17  فايض ديركي 1375 2/13 فايضي گؤسترير وبوسون ايللرده اله جه قاليبدير. تبريزين شهر شوراسي نين عضوي بهشتي ده اومجليسده افاده ائتمشديركي: هريئرده آذربايجان، ايرانين (باشي ) آدلانير،آمما بوباشا لاييق ايش گؤرولمور!!