عمومي بحث اوچون ، بيرنئچه سؤز:
بيز آزادليق ودموكراسي نين چاغيريش سسيني كوره سي نين هرطرفينده ائشيديلديگي بير دؤور ده ياشا ييريق... دونيانين هر يرينده ياييلميش بوحادثه چاغداش ليبرال دموكراسي نين صرف غربه عايد بيرحادثه اولدوغونو وغيرغرب مدنيتلرده هئچوقت اوغورقازانا بيلميه جگيني تصديق ائدن ايچ اوزونو آچير. ژاپون، ايتاليا و ونزاولا كيمي مختلف، لاكين دموكراسيني سيناقدان گئچيرميش دؤولتلرده دموكراتيك قوروملار آزادليق واؤزونو اداره اوچون جهدلرين حياتاگئچيريلمه سني طلب ائده بيلير.

دموكراسي نه دير؟

چوخدان بري، ديللر ازبري اولموش ودانيشيقلاردا تئز- تئز تكرارائديلن((دموكراسي)) تعبيري هامييا بيرتانيش سؤز اولدوغو حالدا، هله ده بيرسياسي- مدني آنلام كيمي دقيق لشديريلمه ميشدير. لغت كتابلاريندا بؤ سؤزون آچيقلاماسيندا وئريلن ايضاحاتدا بئله دئييلر.((دموكراسي خالقين اختياريندا اولان وخلق طرفيندن اداره ائديلن بيرحكومت دير. دموكراسي ده حاكميت خالقا باغليديرو اونون اورگانلاري يوخاريدان آشاغايا خلق طرفيندن آزاد ومستقيم سئچگيلر اساسيندا سئچيلن نماينده لر وسيله سيله اداره اولونور)).

آبراهام لينكولنون تعبيريله دئييلسه، دموكراسي((خالقين اداره سيندن باش آليب، خالقي اداره ائدن)) بيرحكومتدير. قونوشمالاردا، ديالوقدا ويازيشمالاردا دموكراسي وآزادليق سؤزلري كيپ- كيپ بير- بيري نين يئرينه ايشله ديلير. حالبوكي، بو ايكي آنلام سينونيم( مترادف- عين آنلاملي) ده گيلدير. دموكراسي دقيق آنلاميندا آزادليغاعايد اولان ايناملار واعتقادلارين توپلومودور. البته، دموكراسي بو اؤزه لليكدن(خصوصيتدن) علاوه، همين عين حالدا تاريخ بويونجا يارانميش بيرچوخ تاريخي چكيشمه لرين وگليشمه لرين توپلوملارا قازانديرديغي اينام وتجربه لرين مجموعه سي ساييلا بيلر. داها آيدن دئسه ك دموكراسي، آزادليق وقورتولوش تئزي نين سنتزي دير، بونو مثاللارلا  آيدينلاشديرماق اولار.

وجدان آزادليغي، انسان مدني حقوقلاريندان فايدالانما آزادليغي،آزاد دوشونمك، آزادياشاماق، قلم آزادليغيي،‌سؤز آزادليغي، دوشونجه آزادليغي، سياسي. اجتماعي عقيده لر و ديني- مذهبي اينانجيلارآزادلييغي واونلارلا بوكيمي آزادليق ئتزلري، دموكراسي سنتئزينين عامللري ساييلير.

بو باخيمدان آمريكا(بسترشمال ياجنوب) بو گونكو دموكراسي نين تطبيق ائديلديگي اؤلكه لرين باشيندا دورور. آفريقا دوننكي سومورگه چيلر(استعمارواستثمارچيلارين) سلطه سيندن قورتولماق اوغروندا سابقه سي گؤستريلمه ميش دموكراتيك رفورملار دؤوراني گئچيردير.آسيادا ايسه ديناميك دموكراسي تمللري ريشه باغلير، بوآرادا ايران وافغانستان كيميلري ده بو تمللري تطبيق ائتمك اوغروندا قانلي اؤلوم- ديريم ووروشماسي آپاريرلار.

دونيانين هرطرفينده چاخناشماقدا(توتوشمادا) اولان بو حركت، چاغداش راديكال- ليبرال دموكراسي نين يالنيز ويالنيز غربه عايد اولدوغونو وغربدن ديشاري اؤلكه لرده ومدنيتلرده بودموكراسيني  تطبيق ائتمك امكانسيزاولدوغونو نفي ائدن عاليجناب((مفسر)) لر اونو اؤزلرينينكي ساييب،باشقا دوولتلر وحكومتلره اونلاردان دموكراسي سهمي(پايي) ديلنمه يي تكليف ائدير.

قوزئي(شمالي) آمريكادا يئرله شن و((آزادليق ائوي)) آدلانان آراشديرما مركزي، هربير دموكراسي اوچون اساس اؤلچو ساييلان سياسي حريت ووطنداشليق آزادليقلاري نين، اؤلكه لرآراسيندا اولان سويه سيني معينلشديره ن ايلليك آمارلار نشرائدير. اورادا 1990-1991 نجي ايللرده يارانان يؤنلمه لري آراشديراندا بوقرارا گلميشدي كي 160 مستقيل دؤولتلرين سكنه سي نين يوزده 39 دان چوخونون ساكن اولدوغو 65 اولكه تام آزاددير، اگر بورايا قسما آزاد، حساب ائديلن دؤولتلرده آرتيريلسا، اوندا دؤولتلرين  سايي 115 دونيا سكنه سي نين سايي فايضي 67- يه چاتار. بو بيرينجي دفعه ديركي، آزادليق ائوي نين ايلليك خلاصه سي(( آزاد اؤلكه لرين وآزاد توپلوملاردا ياشايان اهالينين ساييني آزاد اولمايان اؤلكه لردن واونلارين سكنه سيندن چوخ اولدوغونو گؤسترمكده دير...

بونونلا بئله، آزادليغين گؤز اؤنونده كي تلاطومو(دالغالانماسي) اونون سون اون ايلده كي اوغورلاريني تام صورتده گؤستره بيلمير...دموكراتيك ده يرلرين بوگون برپا اولوندوغونوادعا ائتمك اولار، لاكين بشرتاريخي نين 18- نجي عصرين سونلاريندا فرانسا بؤيوك انقلابيندان باشلاميش 20-نجي عصرين اورتالاريندا، تك حزبي رژيملرين مئيدانا گلمه سينه قدر اوزون بيز دؤورو گؤستريركي، دموكراتيك قوروملارين چوخو قيسا عؤمورلو اولوب. بوگرچكليك(واقعيت) نه بدبينليك يارادير، نه ده روح دوشگونلويونه سبب اولور، بو خبردارليق وئرير بعضي تصورلردن فرقلي اولاراق، ساغلام دموكراتيك توپلوم (جمعيت)، ساده سؤزله، بيرمئيدان دگيل كي، فردلر اورادا اؤزشخصي آماجلاريني(مقصدلريني) گوده لر.

دموكراتيك اصوللار اوزامان چيچكله نيركي،‌ وطنداشلار اجتماعي داورانيشلاري اوچون مسئوليتلي نماينده لره سس وئرمك واجتماعي ياشامدا(حياتدا) دؤزوملولوك وباريشديريجيليق دويغولارين طلبي ايله اؤز جمعيتلري نين ياشاميندا اشتراك ائتمك آرزوسوندا اولسونلار.

خلق حكومتي :

دموكراسي چوخلارينا تانيش بيرسؤز اولسادا، هله ده دوزگون درك ائديلمه ميش بيرآنلامدي. اوندان بيرچوخ واخت كليمه نين آنلامينا اويغون استفاده اولونمور. نمونه اولاراق، مستبد رژيملروعين زاماندا ميليتاريزم(نظامي ديكتاتورلوقلار) دموكراسي ماسكي آلتينداخلق كوتله لري نين اونلاري مدافعه ائتمك ادعاسيني تبليغ ائديرلر. بونونلا بئله،دموكراتيك ادعانين گوجو، عين زاماندا توماس جفرسونون(آمريكادموكرات فرقه سي نين قوروجولاريندان وآمريكانين اوچونجو جمهور رئيسي) 1776-نجي ايلده وئرديگي استقلال بياننامه سيندن آندره ساخاروفون1989- نجي ايلده كي سون چيخيشلارينا تك انسان عقلينين وآرزولارينين ان درين وحركتلنديريجي افاده سيني عكس ائتديرميشدير.ايرليده دئديگيميز كيمي، لغتده وئريلن تعريفه گؤره دموكراسي((خالق طرفيندن اداره اولونان ائله بير حكومتديركي، اورادا عالي حاكميت خالقا حواله اولورومستقيم شكيلده خلق طرفيندن آزادسئچگي سيستمي اساسيندا خالقين سئچديگي نماينده لرطرفيندن اداره اولونور)).

دموكراسي ايكي اساسا دايانير- مستقيم وصلاحيتلي نماينده ليك، آزادليغي، مستقيم دموكراسيده سئچيلن نماينده لر وياتعيين اولونان رسمي مامورلارين واسطه چيليگي اولمادان، اجتماعي قرارلارين چيخاريلماسيندا بوتون وطنداشلار اشتراك ائده بيلرلر. آيدينديركي، بئله بيرسيستيم تجربه ده آنجاق آداملارين نسبي حالدا آز اولدوغوشرايطده مومكوندور. مثلابوجمعيت  تشكيلاتيندا وياقبيله شوراسيندا وياعضولرين موافق مسئله لري مذاكره ائتمكده بير ديلده و ياسس چوخلوغوايله قرارچيخارمالاري اوچون بيرسقف آلتيندا گؤروشمه لري ممكن اولدوغو شرايطده يئرلي همكارلار اتفاقيندا حياتا گئچيريله بيلر. دونيادا ايلك دموكراتيك قوروم اولان قديم آفينا 5000 نفردن 6000 نفره قدر عضو اولان تشكيلاتلا مستقيم دموكراسني تجربه ده سيناقدان گئچيره بيلميشدير. بوسايلار، آداملارين فيزيكي جهتدن بيريئره توپلاشماقلا مستقيم دموكراسيني تجربه دن گئچيرمه سي اوچون ماكسيوم سايدي.

اؤز مقياسي وقورولوشونون مركبليگينه گؤره، معاصر جمعيتده مستقيم دموكراسي نين تطبيق ائديلمه سي امكانلاري چوخ محدود دور. حتي بيرلشميش ايالتلرين قوزه ي- دوغوسونداشهرگؤروشلري رسم- رسومونا مقدس باخيشلا باخان يئني انگليس اجماعلاري نين سايي اوقدر آرتميشديركي، اونلارين عضولري نين هاميسي بيريئره توپلاشاراق،حيات شرايطينه تاثير ائده بيله جك مسئله ايله باغلي مستقيم سس وئرمك امكانلاري يوخدور.

بوگون ايستر 5000 سكنه سي اولان بيرشهرده، ايسترسه اللي ميليون نفوسو اولان بيراؤلكه ده دموكراسي نين ان عمومي شكلي، صلاحيتلي نماينده ليك شكليدير. صلاحيتلي نماينده لرين دموكراتيك شرايطنده سياسي قرارلار قبول ائتمك، قانونلار ياراتماق واجتماعي يارارلار(منافع) ايله باغلي پروگراملار حاضيرلاماق اوچون رسمي مامورلار ووطنداشلارين اكثريتي اوچون تجربه ده انرژي طلب ائتديگي حالدا اولوب، اولا بيلمه مه سيني گؤتور قوي ائده بيلرلر. بو جور رسمي مامورلارمختلف يوللارلا سئچيله بيلرلر. سئچگيلرده هرهانسي اصولدان استفاده ائديلير ائديلسين بوصلاحيتلي نماينده ليك دموكراسيسينده رسمي خلق نماينده لري دؤولتي خلقين آديندان اداره ائديرلر واؤز چاليشمالاريندا اوحركتلرينده خلق قارشيسيندا مسئوليت داشيييرلار.

 

چوخلوق حاكميتي وآزليق حقوقلاري :

بوتون دموكراتيك توپلوملاردا وطنداشلار چوخلوغون حاكميتي اساسيندا آزادشكيلده سياسي قرارلارقبول ائديرلر. لاكين چوخلوغون حاكميتي نين دموكراتيك اولماسي ضروري ده گيل! مثلا هئچكس چوخلوق نامنه، اهالي نين 51 فايضي نين قالان 49 فايضينه سيخينتي گؤسترمه سيني عدالتلي وقانونا اويار سيستيم آدلانديرا بيلمز. دموكراتيك جمعيتده چوخلوغون حاكميتي فردي انسان حقوقلاري ايله قوشالاشميشديركي، اودا اؤز نوبه سينده بيرلشميش ايالتلرين معارف كاتبي نين مشاوري بيلگين ومولف دايانا راويچ لهستاندا گئچيرلن اويره نيش سميناريندا قئيد ائتميشدير:((سئچگبده آزليقدا قالانلارين هرجورقومي، ديني، سياسي ويابيرسؤزله قانون طلب ائدن مسئله- لره ياناشيرسا، صلاحيتلي نماينده ليك دموكراسيسي، حكومتين صلاحيتلريني محدودلاشديرماق ايشيله راضيليق گوستررسه، بوتون وطنداشلارا اساسي حقوقلار تضمين ائديرسه، بوكيمي حكومت همان قانونا اويغون دموكراسي اولاجاقدير))

بوعنصرلر تاريخده، مدنيتده واقتصاديات دا نه درجه رنگارنگ اولدوغوناباخماياراق، بوتون معاصر دموكراسيلرين اساس عنصرلريني معين لشديرير. دؤولتلر وجمعيتلرين چوخ بؤيوك اولدوغونا باخماياراق، آناياسا(قانون اساسي) حكومتين اساس عنصرلري- فردي وآزليغين حقوقلاري وحقوق عيارلاري ايله چوخلوغون حاكميتي ايله عمومي ديل تاپماسيندا كانادا، كوستاريكا، فرانسه، ژاپون وهندوستاندا تاپيلماقدادير.

 

دموكراتيك جمعيت:

دموكراسي مشروطيت قانون قايدالاري نين مجموعه سيندن داها گنيش بيرآنلاييشدير. دموكراسيده چوخ سايدا وهربيچيمده قورولوشلارين سياسي حزبلرين، تشكيلاتلارين، انجمن لرين، سنديكالارين، درنكلرين قورولوشوندا حكومت آنجاق مشترك شكلينده موجود اولان بيرعنصردور.بوجوربه جورلوك پلوراليزم آدلانير ونظرده توتولوركي دموكراتيك توپلومدا بيرچوخ متشكيل قروپلار و قورولوشلار اؤز چاليشمالاريندا، قانونيليك لرينده وصلاحيتلرينده حكومتدن آسيلي ده گيلدير.

دموكراتيك توپلومدا بعضيسي محلي، بعضيسي صنفي وبعضيسي دؤولت سويه سينده مين لرله اؤزه ل قورولوشلار چاليشيرلار. اونلارين بيرچوخو تركيب حصه سي اولدوقلاري قاتيشيق اجتماعي ودؤولت قوروملاري ايله فردلر آراسيندا واسطه رولو اويناماقلا حكومته محول اولموش ايشلري يئرينه يئتيرير وفردلره دموكراتيك جمعيت وطنداشلاري كيمي، اؤز حقوقلاريندان ووظيفه لريندن استفاده ائتمك امكاني يارادير.

بو قوروپلار، اجتماعي حكومت دايره لرينده نامزدليكلري(كانديد ليك لري) مدافعه ائتمك، مسئله لرين مذاكره سينه قاتيلماق وقبول اولونان سياسي  قرارلارا تاثير گؤسترمك واسطه سي كيمي، جوربه جور واسطه لرله اؤز عضولري نين منافعيني تمثيل ائديرو بئله ليگله ده بوقروپلارين واسطه سيله آيري- آيري فردلر هم حكومتده، هم ده اونلارين اؤز بيرليكلرينده اشتراك ائتمك امكاني الده ائديرلر. نمونه لرسايسيز وچوخ رنگارنگ دير. خئيريه چيليك تشكيلاتلاري وكليسه لر، دؤوربري قوروما واوره كدن(جان ديلدن) قونشولوق قوروپلاري، آليش- وئريش اوجاقلاري وايش امكداشليقلاري.

بئله بيرباغيمسيز جمعيتده تشكيلاتلار اصلينده نظارت آلتيندا اولمالي، حقوقي سجييه داشيمالي، دقت مركزينده اولمالي وبيرسؤزله حكومت قارشيسيندا مسئوليت داشيماليدير. دموكراسيدا حكومتين صلاحيتلري، قانون اساسيندا آيدينجا تعيين ائديلميش وجدي شكيلده محدودلاشديريلميشدير. نتيجه بودوركي خصوصي تشكيلاتلارحكومت نظارتيندن آزادديرلار، عكسينه اونلارين چوخو حكومته تاثيرگؤسترميه جان آتير وچاليشيركي، اونو حركتلرينده مسئوليت داشيماغا وادار ائتسين.

اينجه صنعتله ديني اينام تجربه سي، علمي آراشديرما وباشقا بوكيمي منافعلره عايد قروپلارين حكومته علاقه سي چوخ آز وياهئچ اولمايادا بيلر. دموكراتيك جمعيتده وطنداشلار آزادليق امكانلاريني واؤزونو اداره مسئوليتلريني معين لشديره بيلرلر.

 حقوقلار:
بيز اثباتا احتياجي اولمايان بوگرچكلر(حقيقت لره) اينانيريق كي، بوتون انسانلار برابرخلق اولموشدور ويارادان اونلارا اللريندن آلينماسي ممكن اولمايان حقوقلار وئرميشديركي، بونلارين آراسيندا آزادليق وهرجور تعرضدن قورونماقلا سعادتلي ياشاماق آرزوسودا وار. بوتعرضدن قوروتماقدا انسانلارين آراسيندا دموكراتيك اساسلاردا دؤولتلر وحكومتلر قورولموشدور.

 

الدن آلينماز حقوقلار:
توماس جفرسون دموكراتيك حكومتين قورولوشو اوچون اؤز بيانيه سينده صادالاديغي(دؤنه- دؤنه تكرارائتديگي) اساسا گؤره آزادليقلاري حكومتلر باغيشلامير.حكومتلر هربير فردين ياتوپلومون، حياتدا يئيه- لنديگي ازلي وطبيعيآزادليقلاري قوروماق اوچون يارانير.

17 و 18  نجي عصرلر معاريفچيليك فيلوسوفلاري نين فكرينجه، الدن آلينماز حقوقلار آللاهين وئرديگي طبيعي ودوغال حقوقلاردير. كاپيتاليزم(سرمايه دارليق) رژيمي ياراديلديقدا بوحقوقلارلغو اولونمور وجمعيت يا دؤولت اونلاري آرادان قالديرماغي يا((اؤزگه لشديرمگي)) گويا باشارماز.

ال دييلمزحقوقلارا سؤز و دوشونجه آزادليغي، دين ووجدان آزادليغي،توپلانتي وقانون قارشيسيندا برابرحقوقلولوق آزادليغي داخيلدير. بواؤزلوگونده هئچ ده وطنداشلارين دموكراتيك قورولوشدا بهره لنديرديكلري آزادليقلارين تامام- كمال سياهه سي دگيل. هربير توپلومون وهرهانسي بير اؤلكه نين ((مدني قانونلاريندا)) معين اولايلار وبدعتلر قانونا اويغون ساييلير، حالبوكي بو اولايلار وبدعتلر، دوشونجه آزادليغي، وجدان آزادليغي وقانون قارشي سيندا برابرحقوقلولوق  آزادليغي وباشقا دموكراتيك آزادليقلارآيري- آيري سسله نيرلر.

دموكراسي وآزادليغي هدله ين تكجه ديكتاتورلارين، اليگارشي(استبداد) حكومتلرين واؤز باشيناليقلارينا دموكراسي عباسي  گئيديرن بيرچوخ واخت خصوصي ايله گئري قالميش اؤلكه لرده توپلومون جهالت، اينانج وبدعتلره باش اگمه سيندن و بوكيمي قانون دونونا بورونموش ذهنيتلرين دموكراسي واجتماعي عدالت ساييلان طبيعي انسان حقوقلاريندان اوزاقداقالماسي و بودوغال حاقلارا ياناشماماسيندادير. انسانين طالعي آلنيندايازيليب، قول يازيسين گؤره ر كيمي افسانه لره قاپيلان دموكراسي وآزادليق آنلاملاريندان و اونلاري منيمسه مكدن وياشاييشلاريندا تطبيق ائتمكدن  بوباخيمدان غرب((مفسر)) لري نين بوگونكو غربدن قيراخدا اولان  اؤلكه لرده ومدنيتلرده تطبيق ائديلمه سي غربين ليبرال دموكراسي سيندن يالنيز((ايره لي له ميش)) اؤلكه لرده خاص اولدوغو ايره لي سورولور ودالاقالميش اؤلكه لرده اونلارين خاص شرايطينه اويغون عنوانيله قوندارما دموكراسي عنوان ائديلير.