شانلي 21آذرين55-نجي ايل دونومو:

2001-نجي ايلين دكابر آيينين 9 دا شنبه گوني آخشام،آذربايجان ايسوچ دوستلوق جمعيتي وارليغين تشبوثو ايله ، شانلي 21 آذرين  55 نجي ايل دؤنومو بيرقيش گزي سي ايچرسينده مالموشهرينين گونئي دوغوسوندا  يئر لش Höör شهرينين اطرافيندا بيركمپينك ده قيد اولونموشدور.مراسم اونجه اشتراكچيلارين آياق اوسته قالخيب آذربايجان شهيد لرينين حورمتينه بير دقيقه سكوت ائتمكلريندن صونرا باشلادي.خالقميزين ملي مبارزه سي حقينده ، اسارته سون قويوب ، ملي حكومتين قورولوشو،گورولن ايشلر ، خالقميزين بير ايل اوز طالعيني الده ائتمك و آزاد ياشايشي اوچون معلومات وئريلدي و بوساحه ده مستندتاريخي فيلم گؤستريلدي   ملي حكومتين باشچي لاري اؤزلليكله قوجامان رهبري ميرجعفر- پيشه وري نين خاطره سيندن  تجليل اولوندو بو طنطعنه لي مراسيمده عضولردن باشقا آيري وطن- داشلارميزين دا اشتراكي وارايدي اؤزلليكله ايراندان گلن آذربايجانلي قوناقلاريميزين اشتراكي هاميميز اوچون ماراقلي ايدي ، نيه كي بوتون بوشانلي و تاريخي گونون  سئوينجين اونلارلا  پايلاشديق ! بيرداها خاطيرلامالييق كي   21 آذرحادثه سنين اوستوندن ايللرآشديقجادا بو بويوك دير چليشي ملي دمكراتيك يونلري  (طرفلري)  داها دا صاف لاشيب و آيدين لاشير بوگون آذربايجان خالقنين قورتولوش تاريخينده بير دونوش نقطه سينه چئويريلمه سي داها آيدين جا گؤز قارشيسيندا دوغرولور.آناديليميزين رسمميتي آذربايجاندا  راديو ، انيورسته و ... قويولماسي و خلقين حياتيندا دگئشيكليك  بوگونه  بيرداها شرف قازانديردي و بيز اونون چوخ جانلي وتاريخي تاثيرلريني بوگون ايراندا گئدن ملي دمكراتيك ديرچليش و اويانيشدا گؤره بيليريك. دشمنلرين آذربايجان دمكرات حركتني بهتانا اوغراديقلاري سيلينيب گئديروآذربايجاندا باش وئرن حركت تاريخميزين پارلاق صحيفه سينه چئويريليرو تاريخميزده بير دونوش مرحله سي كيمي صونرا كي نسيل لره الهام اولگوسو اولور!