ناغيللار و لطيفه لر  (1)
يالانچي لار :

بيرگون بير يالانچي بير مجلسده دئدي كي منيم دده مين بير طويله سي وار ايدي.اوطويله ائله بؤيوك ايدي  كي آت طويله ني بو باشيندا بوغاز اولسايدي او باشا يئتيشه نه تك دوغاردي .
بيري ده يئردن قووزانيب دئدي :

-
او كي بير زاد ده ئيل منيم دده مين بير اوزون آغاجي ( كارواشان ) وارايدي هر واقت گؤي بولوت اولسايدي او آغاجي اوزاديب بولوتلاري داغيداردي .

اولكي يالانچي دئدي :
په آتووينان يالان صاحابي . . . او يئكه ليكده آغاجي هارا قوياردي ؟
ايكينجي يالانچي دئدي :
سنين دده ن طويله سينه .
                                        

بيرگون بير يالانچي دئدي :
منيم آتام  مسگر ايدي  . بير يول بير قازان قاييتديردي كي  40 نفر اونون ايچينده چكوش ووروردولار اما سس لري بير
بير لري نين قولاغينا يئتيشميردي .
بيرنفر دوروب دئدي :
- اولاردا
... مومكون دور ! منيم ده آتام اكينچي ايدي. بينه (چوغوندور) اكردي. بوچوغوندورلارائله يئكه اولاردي كي، بير يول بيريني چيخارتماغا اه للي  بؤيون كه ل گاميش باغلاديلار.
بيرينجي يالانچي دئدي :
آخي بو يئكه ليكده ده يالان اولار . . .؟ او يئكه ليكده چوغوندورو هارادا پيشيريرديلر .
ايكنجي يالانچي دئدي :
سنين دده ن همان ميس قازانيندا .                                         
 

(!)آذربايجان فولكلوري صحيفه 587 يازاني ميرهدايت حصاري

موللا نصرالدين باره ده ده لطيفه لردن نمونه : (1)
بير گون موللا نصرالدينين ائويني اوغر وورموشدو .
سحر قونشولار ييغيليب موللاني دانلاماغا باشلاديلار . بيري دئدي :
مولا ! نييه قاپيني مؤحكم باغلاماميشدين كي اوغرو آچا بيلميه .
بيري  دئدي :
كيشي سن نئجه ياتميشدين كي اوغرو گليب بيلمه ميسن ؟
بيري دئدي :
كيشي  سن نييه قيمتلي شئي لري بير يئرده گيزلتمه ميشدين ؟
هره بير سؤز دئديكده موللا دئدي :
بس معلوم اولالي اوغرونون هئچ گناهي يوخوموش هامي تقصيرلر مندن ايميش .

تورك ديلينده مثللر :
تازيه ديير دوت داوشانه ديير قاچ .

تازينين هيزليقيندان داوشان  سامانليقدا  بالالار .
تاي توشوي باب ايله گوره ن ديسون هابيله .
تركمان آتيدور همي آخوردان يير همي توربادان .

تفنگين دولوسيندان بير نفر قورخار بوشيندان ايكي نفر .
تك الدن سس چيقماز .
تكه ني دينگيلده ده ن داشاقلاريدور .
تله دن سيچريان تولكي بيرده تليه دوشمز .
(1) آذربايجان فولكلوري
يازاني. ميرهدايت حصاري